Solapur News : सोलापूर : दूध व दुग्धजन्य पदार्थ उत्पादनात अग्रेसर असलेल्या कोल्हापूर जिल्हा सहकारी दूध उत्पादक संघाच्यावतीने (गोकुळ) सोलापूर जिल्ह्यात सौर ऊर्जा निर्मिती करणार आहेत. गोकुळने लिंबेवाडी (ता. करमाळा) येथे १०.५ मेगा वॅटचा सौरऊर्जा निर्मिती प्रकल्प हाती घेतला आहे. यातील पहिल्या टप्प्यातील ६ मेगा वॅट प्रकल्पाचे रविवारी (ता. १६) दुपारी २ वाजता लोकार्पण होणार आहे.
गोकुळने लिंबेवाडी येथे १७ एकरावर सौर ऊर्जा निर्मितीचा प्रकल्प हाती घेतला आहे. या प्रकल्पासाठी जवळपास ३५ कोटी रुपयांची गुंतवणूक लिंबेवाडी परिसरात करण्यात आली आहे. या प्रकल्पातून एकूण १०.५ टक्के सौर ऊर्जा निर्मिती होणार आहे.
त्यातील पहिल्या टप्प्यात ६ मेगावॅट सौर ऊर्जेची निर्मिती होणार आहे. रविवारी होणाऱ्या लोकार्पण सोहळ्यासाठी वैद्यकीय शिक्षणमंत्री हसन मुश्रीऊ, आमदार सतेज ऊर्फ बंटी पाटील हे लिंबेवाडीला येणार आहेत.
या सोहळ्यासाठी गोकुळचे संचालक, प्रमुख अधिकारी व पदाधिकारी लिंबेवाडी येथे येणार आहेत. कोल्हापूर जिल्ह्यात दूध उत्पादनात व महाराष्ट्रासह शेजारच्या राज्यात दूध विक्रीमध्ये ‘गोकुळ’ने आपला दबदबा निर्माण केलेला आहे.
सौर ऊर्जा निर्मितीमधील राज्यातील पहिला सहकारी प्रकल्प गोकुळने हाती घेतला आहे. सौर ऊर्जा निर्मितीत अनेक खासगी कंपन्या आहेत, परंतु सहकारी तत्वावर विज निर्मिती करणारा हा प्रकल्प आहे. दूध, दुग्धजन्य पदार्थ निर्मिती व विक्रीसोबतच गोकुळने या प्रकल्पाच्या माध्यमातून सौर ऊर्जा निर्मितीतही पदार्पण केले आहे.
- अरुण डोंगळे, चेअरमन, कोल्हापूर जिल्हा सहकारी दूध संघ
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.