Panchayat raj Abhiyan : पंचायत राज अभियानात पुणे विभागात सोलापूर जि. प. प्रथम

Solapur News : यशवंतराव चव्हाण पंचायतराज अभियानाअंतर्गत पुणे विभागातील प्रथम क्रमांकाचा पुरस्कार सोलापूर जिल्हा परिषदेला तर पंचायत समिती गटात द्वितीय क्रमांकाचा पुरस्कार पंढरपूर पंचायत समितीला मिळाला आहे. विभागीय आयुक्त चंद्रकांत पुलकुंडवार यांनी या पुरस्कारांची घोषणा केली.

यशवंतराव चव्हाण पंचायतराज अभियान २०२३-२४ अंतर्गत उपायुक्त विजय मुळीक यांच्या नेतृत्वाखालील विभागीय समितीने २५ जुलै रोजी जिल्हा परिषद आणि पंचायत समित्यांच्या प्रस्तावाची क्षेत्रीय तपासणी केली होती.

सोलापूर जिल्हा परिषदेने समितीसमोर माझी सुंदर शाळा, सायकल बँक आणि वारी नियोजनासह जिल्हा परिषदेकडून सरकारच्या योजनांची होणारी अंमलबजावणी, खर्चाचे नियोजन, यासंबंधीचे प्रभावीपणे सादरीकरण केले होते.

त्यानुसार सोलापूर जिल्हा परिषदेला जिल्हास्तरावर १७०.१ व विभागस्तरावर १६९.१० गुण मिळाले आहेत. तर पंढरपूर पंचायत समितीनेही याच पद्धतीने कामकाज करून प्रथम क्रमांक पटकावला. सोलापूर जिल्हा परिषदेचा प्रस्ताव आता राज्यस्तरीय पुरस्कारासाठी दाखल होणार आहे.