Agriculture Tips: शाश्वत उत्पादन घेण्यासाठी जमिनीचे आरोग्य जपणे सर्वांत महत्त्वाचे आहे. जमिनीचे शोषण थांबवून तिचे पोषण करणे आवश्यक आहे, असे प्रतिपादन वसंतराव नाईक मराठवाडा कृषी विद्यापीठ अंतर्गत कृषी विज्ञान केंद्राच्या कार्यक्रम समन्वयक डॉ. दिप्ती पाटगावकर यांनी व्यक्त केले..सिल्लोड तालुक्यातील मोढा बु. येथे भूमी सुपोषण अभियानअंतर्गत खरीप हंगामपूर्व नियोजन मार्गदर्शन कार्यक्रम बुधवारी (ता. ८) घेण्यात आला. त्यावेळी त्या बोलत होत्या. या वेळी विषय विशेषज्ञ डॉ. बस्वराज पिसुरे, डॉ. संजूला भावर, सतीश कदम, ‘साफु’च्या प्रकल्प अधिकारी ज्योती शेजुळ, सागर शिंदे यांची उपस्थिती होती..Soil Health: माती हेच खत, तिची काळजी घ्या.डॉ. पाटगावकर म्हणाल्या, की अतिरिक्त रसायनांच्या वापरामुळे जमीन विषारी बनत चालली असून हे थांबवण्यासाठी विविध जैविक निविष्ठांचा वापर करून जमिनीचे सुपोषण करणे आवश्यक आहे. जमिन सुदृढ असेल तरच आपणाला पाहिजे तसे आणि शाश्वत उत्पादन घेणे शक्य होणार आहे. यासाठी शेतकरी बांधवांनी विविध जैविक निविष्ठांचा वापर आपल्या शेतीमध्ये वाढवणे आवश्यक आहे. डॉ. भावर यांनी पाण्याच्या उपलब्धतेनुसार शेतकऱ्यांनी थोड्या क्षेत्रावर तरी फळबाग लागवडीकडे वळणे आवश्यक आहे. माती परीक्षण अहवालानुसार फळबाग लागवड करणे आवश्यक असल्याचे त्यांनी सांगितले..Soil Health: जमिनीची काळजी घ्या, जमीन पिकाची काळजी घेईल.फेब्रुवारीनंतर पाण्याची उपलब्धता कमी असेल तरी त्यानुसार कमी पाण्याची गरज असणाऱ्या फळपिकांची लागवड करणे शक्य आहे. भाजीपाला पिकामध्ये एकात्मिक कीड व्यवस्थापन पद्धतींचा अवलंब करावा, असेही ते म्हणाले. डॉ. पिसुरे यांनी खरीप पिकातील बीजप्रक्रिया, बियाणे उगवणक्षमता तपासणी तसेच जैविक निविष्ठांचा नियमित वापर याविषयी सविस्तर माहिती दिली. .ते म्हणाले, सोयाबीन लागवडीसाठी रुंद वरंबा सरी (बीबीएफ) पद्धतीचा अवलंब करावा. यामुळे उत्पादनात वाढ होण्यास मदत होते. तसेच कापूस पिकामध्ये घन लागवड तंत्रज्ञान, दादा लाड कापूस लागवड तंत्रज्ञानाचा अवलंब करावा. तसेच सर्वच पिकांमध्ये एकात्मिक कोड व रोग व्यवस्थापन पद्धतीचा अवलंब करावा. ज्योती शेजुळ यांनी सूत्रसंचालन करून आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
