नारळ नारळ बागेमध्ये वाढलेले झाडे झुडपे व तण काढून बागेची स्वच्छता राखावी. बागेची साफसफाई करताना बागेतील सुकलेल्या, निर्जीव आणि रोगग्रस्त झावळ्या काळजीपूर्वक काढून टाकाव्यात.नव्याने लागवड केलेल्या नारळाच्या माडांना लागवडीनंतर पहिल्या ३ ते ४ वर्षांपर्यंत हिवाळ्यात दर ६ ते ७ दिवसांनी पाणी द्यावे. पूर्ण वाढ झालेल्या नारळांना ऑक्टोबर ते जानेवारी दरम्यान ठिबक सिंचनाद्वारे दररोज ३० लिटर पाणी द्यावे..नारळावर रुगोज चक्राकार पांढरी माशीचा प्रादुर्भाव दिसून येण्याची शक्यता आहे. ही रस शोषण करणारी कीड असून २.५ मि.मी. लांबीची परंतु कपाशी पिकावरील पांढरी माशीपेक्षा आकाराने मोठी असते. माशीच्या पंखाच्या जोडीवर फिक्कट तपकिरी पट्टे तर डोळे राखाडी दिसून येतात. किडीची पिल्ले आणि प्रौढ पानांच्या खालील बाजूस राहून रस शोषून घेतात. नारळाच्या पानांवर रुगोज चक्राकार माशीचे पांढरे मेणचट तंतू दिसून येतात. तसेच माशी गोड चिकट स्त्राव सोडत असल्याने त्यावर बुरशीची वाढ होऊन पाने काळी पडलेली दिसतात. किडीच्या प्रादुर्भावाकडे बागेचे नेहमी निरीक्षण करावे..Crop Advisory: कृषी सल्ला : राहुरी विभाग.रुगोज चक्राकार माशीच्या व्यवस्थापनासाठी या किडीचे नैसर्गिक किडीचे नैसर्गिक शत्रू क्रायसोपा, ढालकिडा, मॅलाडा, इनकार्सिया, रॅव्हिया भुंगा, लिओचिनस हे मित्र कीटक आहेत. त्यांचे बागेत संवर्धन करावे. चक्राकार पांढऱ्या माशीच्या बंदोबस्तासाठी माडांवर नियमितपणे पाण्याची फवारणी करत राहावी. त्यामुळे माशीचे व्यवस्थापन होऊन मित्र किटकांचे संवर्धन होते..Crop Advisory: कृषी सल्ला : कोकण विभाग.सुपारीसुपारी बागेमध्ये वाढलेले झाडे झुडपे व तण काढून बागेची स्वच्छता राखावी. बागेची साफसफाई करताना बागेतील सुकलेल्या, निर्जीव आणि रोगग्रस्त झावळ्या काळजीपूर्वक काढून टाकाव्यात.जमीन व हवामानानुसार हिवाळ्यात ७ ते ८ दिवसांच्या अंतराने पाणी द्यावे.सुपारीची फळे तयार झाल्यावर त्यांचा रंग नारंगी होतो. सुपारी फळे तयार झाल्यावर संपूर्ण घड काढून फळावरील सालीचे पट्टे काढावेत. नंतर उन्हात ४० ते ४५ दिवस सुकवतात.वयोमानाप्रमाणे दरवर्षी एका झाडापासून तीन घड मिळतात. त्यापासून दीड ते अडीच किलो सुकी सुपारी मिळते..पांढरा कांदारोपवाटिका तयारीपांढरा कांदा रोपवाटिका पेरणीची कामे जमीन वाफसा स्थितीत आल्यावर सुरु करावीत.रोपवाटिका क्षेत्रातील जमिनीची नांगरट करून ३ मी. लांब, १ मी. रुंद, १५ सें.मी. उंचीचे गादीवाफे तयार करावेत. गादीवाफ्यावर चांगले कुजलेले शेणखत ५ किलो, युरिया ३५ ग्रॅम, सिंगल सुपर फॉस्फेट १०० ग्रॅम व म्युरेट ऑफ पोटॅश २५ ग्रॅम प्रति चौरस मीटर क्षेत्र याप्रमाणे मिसळून बियाणांची पेरणी करावी. पेरणीनंतर हलके पाणी द्यावे.- डॉ. वैभव राजेमहाडीक ९४२०६७३२६७- डॉ. यशपाल चव्हाण ८१४९४६७४०१(कृषिविद्या विभाग आणि ग्रामीण कृषी मौसम सेवा योजना, डॉ. बाळासाहेब सावंत कोकण कृषी विद्यापीठ, दापोली).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
