Sugarcane Season : खानदेशात सहा लाख टन ऊस गाळप

Sugarcane Crushing : खानदेशात ऊस गाळपाला वेग आला असून, सुमारे सहा लाख टन ऊस गाळप झाले आहे.
Sugarcane Crushing Season
Sugarcane Crushing SeasonAgrowon

Jalgaon News : खानदेशात ऊस गाळपाला वेग आला असून, सुमारे सहा लाख टन ऊस गाळप झाले आहे. पाऊस थांबल्यानंतर गेल्या पाच ते सहा दिवसात तब्बल दीड लाख टन ऊस गाळप झाले आहे. यंदा ऊस गाळप अधिक होईल, असा अंदाज आहे. कारण दोन कारखान्याने गाळपासंबंधी यंदा वाढले आहेत.

सुमारे १२ हजार हेक्टरवर लागवड नंदुरबार जिल्ह्यात झाली होती. आहे. जळगाव जिल्ह्यात सुमारे १४ हजार हेक्टरवर आणि धुळ्यात सुमारे पाच हजार हेक्टरवर ऊस लागवड झाली होती. ऊस लागवड जशी वाढली, तसे गाळपही वाढणार आहे.

Sugarcane Crushing Season
Sugarcane Crushing Maharashtra : राज्यात ११७ लाख टन उसाचे गाळप पूर्ण, हंगाम संथ गतीने

जळगाव जिल्ह्यात चोपडा, चाळीसगाव येथेही कारखाने गाळप करीत आहेत. हे कारखाने मागील हंगामात बंद होते. जळगाव जिल्ह्यात गेल्या वर्षी फक्त एकच कारखाना ऊस गाळप करीत होता. यंदा तीन कारखाने गाळप करीत असून, हे तिन्ही कारखाने खासगी आहेत. धुळ्यातही एक लहान कारखाना किंवा गुऱ्हाळ सुरू आहे.

Sugarcane Crushing Season
Sugarcane Crushing : सातारा जिल्ह्यात २३ लाख टन उसाचे गाळप

या कारखान्यातही रोज ५०० ते ७०० टन ऊस गाळप होत आहे. नंदुरबार जिल्ह्यात सर्वाधिक चार साखर कारखाने ऊस गाळप करीत आहेत. यात दोन खासगी व दोन सहकारी कारखाने आहेत. सर्वाधिक ऊस गाळप समशेरपूर (ता. नंदुरबार) येथील आयान कारखान्याने केले आहे.

यापाठोपाठ जळगाव जिल्ह्यातील मुक्ताई (ता. मुक्ताईनगर) कारखान्याने ऊस गाळप केले आहे. आयान कारखान्याने यंदा सुमारे १२ लाख टन ऊस गाळपाचे उद्दिष्ट ठेवले आहे. मध्यंतरी ढगाळ, पावसाळी वातावरणामुळे ऊस गाळप थंड होते. यामुळे गाळपाचा आकडाही कमी दिसत होता. पण गेल्या १० दिवसात गाळपाला अधिक वेग आला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com