Nagpur News: रेशीम खालील क्षेत्रात विस्ताराला प्रोत्साहन देत राज्य शासनाने रेशीम संचालनालयाला मनरेगाअंतर्गत कार्यान्वयन यंत्रणा म्हणून मान्यता दिली आहे. या माध्यमातून मनरेगा अंतर्गत तुती लागवड आणि शेड बांधणीच्या कामाला गती मिळेल, असा विश्वास व्यक्त केला जात आहे. .पारंपरिक पिकाच्या जोडीला रेशीम शेतीची जोड देत राज्याच्या बहुतांश भागातील शेतकऱ्यांनी आर्थिक सक्षमतेकडे वाटचाल केली आहे. सद्यःस्थितीत सुमारे २२ हजार एकरपेक्षा अधिक क्षेत्रावर तुती रेशीम पिकाची लागवड आहे. रेशीम शेतकऱ्यांसाठी महात्मा गांधी राष्ट्रीय ग्रामीण रोजगार हमी योजनेतून अकुशल आणि कुशल या स्वरूपात कामाचे मूल्यांकन केल्यानंतर शेतकऱ्याची मजुरीची रक्कम डीबीटी द्वारे लाभार्थ्यांच्या खात्यात जमा होते..Silk Industry: प्रतिकूलतेत देवगावच्या शेतकऱ्यांना ‘रेशीम’चा आधार .या माध्यमातून रेशीम शेतकऱ्याचा कोश उत्पादनाचा खर्चाचा भार कमी करण्याचा प्रयत्न शासनाने केला आहे. मनरेगातून कुशल आणि अकुशल कामगाराच्या मजुरीपोटी ४ लाख ३२ हजार २४० रुपये इतक्या निधीची तरतूद करण्यात आली आहे. . .पहिल्या टप्प्यात २८२ मनुष्य दिवस त्यानंतर दुसरे आणि तिसऱ्या वर्षी अनुक्रमे २०० मनुष्य दिवस याप्रमाणे मजुरी अदा केली जाते. प्रति दिवस ३१२ रुपये असा मजुरी दर निश्चित करण्यात आला आहे. किटक संगोपनगृह बांधकामासाठी २१३ मनुष्य दिवस याप्रमाणे मजुरी मिळते. सरासरी ८९५ मनुष्य दिवस दिवस कामासाठी दोन लाख ७९ हजार २४० रुपये याप्रमाणे कुशल निधी दिला जातो, अशी माहिती रेशीम संचालनालयाचे उपसंचालक महेंद्र ढवळे यांनी दिली..Silk Industry Loan : रेशीम उद्योगासाठी कर्ज मिळणार.रेशीम संचालनालयाच्या तांत्रिक मान्यतेनंतर मनरेगा अंतर्गत तुती लागवडीसाठी यापूर्वी तहसीलदार किंवा गटविकास अधिकारी यांच्याकडून मान्यता घ्यावी लागत होती. अधिकाऱ्यांनी सहकार्य केल्यास या प्रक्रियेला एक ते दोन दिवसाची दिवसाचा कालावधी लागत होता. .रेशीम शेतीसाठी मनरेगातून अनुदानाची तरतूद करण्यात आली आहे. यापूर्वी केवळ तांत्रिक मान्यतेचे अधिकार रेशीम संचनालयाला होते. आता मनरेगाअंतर्गत तांत्रिक आणि प्रशासकीय मान्यतेचे अधिकार देऊन कार्यान्वयन यंत्रणा घोषित केल्यामुळे तुती रेशीम प्रकल्प बाबतची सर्व जबाबदारी रेशीम विभागाची झालेली आहे. त्यामुळे अंमलबजावणीत सुसूत्रता येऊन शेतकऱ्यांना वेळेत झालेल्या कामाचे मूल्यांकन करून निधी वितरित होणार असल्यामुळे तुती क्षेत्रांमध्ये मोठ्या प्रमाणात वाढ होऊन कोश उत्पादन वाढणार आहे. डॉ. महेंद्र ढवळे, उपसंचालक, रेशीम संचालनालय, नागपूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
