Buldana News: शेतीमाल विक्रीसाठी येणाऱ्या शेतकऱ्यांना उपाशीपोटी राहावे लागू नये, या उद्देशाने खामगाव कृषी उत्पन्न बाजार समितीमध्ये बुधवारी (ता. चार) ‘शिदोरी गृहा’चा प्रारंभ करण्यात आला. या शिदोरी गृहामध्ये शेतकऱ्यांना ५ रुपयात भरपेट जेवण मिळणार आहे..विदर्भातील नामवंत बाजार समिती म्हणून ओळख असलेल्या खामगाव बाजार समितीत जिल्ह्यासह बाहेरील जिल्ह्यांतूनही मोठ्या प्रमाणावर शेतकरी आपला शेतीमाल विक्रीसाठी आणतात. शेतीमाल विक्री होऊन पैसे हातात मिळेपर्यंत अनेकदा दिवसभर थांबावे लागत असल्याने शेतकऱ्यांची उपासमार होत होती. .PM Kisan Scheme: पीएम किसान योजनेतून तुमचे नाव वगळले ! हप्ता येण्यापूर्वी करा याची तपासणी .ही बाब लक्षात घेऊन बाजार समितीने ‘शिदोरी गृह’ सुरू करण्याचा निर्णय घेतला. या उपक्रमांतर्गत शेतकऱ्यांना केवळ ५ रुपयांत भरपेट जेवण उपलब्ध होणार आहे. यामध्ये अडत्यांचा १० रुपयांचा वाटा, तर शेतकऱ्यांचा ५ रुपयांचा वाटा राहणार आहे. त्यामुळे शेतकऱ्यांना अल्पदरात स्वादिष्ट व पौष्टिक आहार मिळणार असल्याचे सांगण्यात आले. यावेळी भाजपचे महाराष्ट्र प्रदेश सोशल मीडिया सहसंयोजक सागर फुंडकर यांच्या हस्ते या उपक्रमाचे उद्घाटन झाले. कार्यक्रमाच्या अध्यक्षस्थानी माऊली ग्रुपचे अध्यक्ष तथा काँग्रेस नेते ज्ञानेश्वर पाटील होते..Takari Irrigation Scheme: ताकारीचे उन्हाळी आवर्तन सुरू.अध्यक्षीय भाषणात त्यांनी बाजार समितीचा हा उपक्रम शेतकरी हिताचा असून, भविष्यातही शेतकऱ्यांसाठी अधिकाधिक योजना राबवाव्यात, असे मत व्यक्त केले. यावेळी बाजार समितीचे सभापती श्रीकृष्ण टिकार, उपसभापती संघपाल जाधव, .सेवक समिती प्रमुख राजेश हेलोडे, मंगेश इंगळे, संचालक गणेश माने, विनोद टिकार, किंमत कोकरे यांच्यासह सुरेश तोमर, रामकृष्ण भारसाकळे, अजय तायडे, पंजाबराव देशमुख, नीलेश देशमुख, मनीष देशमुख तसेच शेतकरी व कर्मचारी मोठ्या संख्येने उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
