Kolhapur Farmers Protest: कोल्हापूर जिल्ह्यात शक्तिपीठ महामार्गासाठी जमीन मोजणी ९ सप्टेंबर रोजी शासनाकडून सुरू होण्याची शक्यता आहे. या पार्श्वभूमीवर शेतकऱ्यांसह शेतकरी नेत्यांनी या महामार्गाविरोधात आक्रमक भूमिका घेतली आहे. कोणत्याही अधिकाऱ्याला शेतशिवारात पाय ठेवू देणार नसल्याचा इशारा त्यांनी दिला आहे. यामुळे या महामार्गाविरोधात संघर्ष तीव्र होण्याची शक्यता आहे. .शेतकऱ्यांनी नांगराच्या फाळाला धार लावून तयार ठेवावी. जर अधिकारी जबरदस्तीने मोजणीसाठी शिवारात आला, तर याच नांगराच्या फाळाच्या तलवारी करून शेतजमिनीचे रक्षण करा. कोणत्याही अधिकाऱ्याला शेतात पाऊल टाकू देऊ नका, असे आवाहन स्वाभिमानी शेतकरी संघटनेचे नेते राजू शेट्टी यांनी केले आहे..शेट्टी यांच्या नेतृत्वाखाली आज कोल्हापूरच्या शासकीय विश्रामगृहात त्यांच्या संघटनेच्या प्रमुख कार्यकर्त्यांची आणि शेतकऱ्यांची बैठक पार पडली. या बैठकीत त्यांनी 'आरपारच्या लढाई'चा निर्धार व्यक्त केला..Shaktipeeth Expressway : ‘शक्तिपीठ’च्या मोजणीला विरोध.९ सप्टेंबर रोजी जमीन मोजणीच्या दिवशी जिल्ह्यातील प्रत्येक गावातील महिला शेतकरी स्वतः शिवारात ठाण मांडून बसतील. तहसीलदार, प्रांत अधिकारी आणि पोलीस फौजफाटा जरी आला तरी त्या शिवारात पाय ठेवू देणार नाहीत. शिवारात रक्ताचे पाट वाहतील, पण शक्तिपीठ महामार्गासाठी एक इंचही जमीन देणार नाही, असा असा निर्णय आजच्या बैठकीत एकमुखाने घेण्यात आला असल्याचे शेट्टी यांनी सांगितले..Shaktipeeth Highway Protest: 'प्राण देऊ, पण जमीन देणार नाही', सांगलीत शक्तिपीठ महामार्ग विरोधात शेतकऱ्यांसह सर्वपक्षीय नेत्यांचा एल्गार.३ सप्टेंबर रोजी जिल्ह्यातील प्रत्येक गावात महामार्गाच्या शासकीय आदेशाची जाहीर होळी करून तीव्र निषेध नोंदवला जाईल. तर ७ सप्टेंबर रोजी संपूर्ण जिल्ह्यातील शेतकरी जिल्हाधिकारी कार्यालयावर धडक देतील आणि मोजणीच्या आदेशाची होळी करतील. .९ सप्टेंबरला मोजणीच्या दिवशी गावबंदी आणि शिवारबंदी करून अधिकारी व पोलिसांना गावातच रोखले जाईल. प्रशासनाने ९ सप्टेंबरपासून मोजणीची जय्यत तयारी सुरू केली असली, तरी शेतकरी याविरोधात आक्रमक भूमिका घेतील, असे त्यांनी नमूद केले..या बैठकीला कॅाम्रेड गिरीष फोंडे, इरिगेशन फेडरेशनचे विक्रांत पाटील, सम्राट मोरे, शिवाजी मगदूम, शिवाजी कांबळे, प्रकाश पाटील, कृष्णात पाटील, नामदेव यादव, भगवान पाटील, कृष्णात साबळे, अमित नाळे यांच्यासह जिल्ह्यातील शेतकरी संघटनेचे पदाधिकारी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
