Pune News: मालेगाव महानगरपालिकेच्या महापौरपदाच्या निवडणुकीत आज (ता.७) इस्लाम पार्टीच्या शेख नसरीन बानो खालिद यांची २५ मतांच्या फरकाने निवड झाली आहे. त्यांना समाजवादी पार्टी आणि काँग्रेसचा पाठिंबा मिळाल्याने त्यांनी ४३ मते मिळवून विजय मिळवला. शिवसेनेच्या उमेदवार लता घोडके यांना १८ मतांवर समाधान मानावे लागले. उपमहापौरपदी समाजवादी पार्टीच्या शान-ए-हिंद यांची निवड झाली. महापौरपदाच्या निवडीदरम्यान भाजप आणि एमआयएमने तटस्थ भूमिका घेतली..महापौरपदासाठी पाच अर्ज आले होते. तपासणीनंतर इस्लाम पार्टीच्या शेख नसरीन बानो खालिद, शेख ताहेरा शेख रशीद आणि शिवसेनेच्या लता घोडके यांचे अर्ज वैध ठरले. मात्र माघारीच्या मुदतीत शेख ताहेरा यांनी अर्ज मागे घेतल्याने अंतिम लढत शेख नसरीन बानो आणि लता घोडके यांच्यात झाली..Mayor Elections: महापौर निवडणुकांत भाजपची सरशी; आठ महापालिकांच्या चाव्या हातात .मतदानावेळी इस्लाम पार्टीचे ३५, समाजवादी पार्टीचे ५, काँग्रेसचे ३, शिवसेनेचे १८, एमआयएमचे २१ आणि भाजपचे २ नगरसेवक उपस्थित होते. या निवडणुकीत भाजप आणि एमआयएमने तटस्थ भूमिका घेतल्याने इस्लाम पार्टीला फायदा झाला. समाजवादी पार्टी आणि काँग्रेसच्या पाठिंब्यामुळे शेख नसरीन बानो यांना ४३ मते मिळाली आणि त्यांनी महापौरपदावर विजय मिळवला..उपमहापौरपदासाठीही थेट लढत झाली. समाजवादी पार्टीच्या शान-ए-हिंद यांना ४३ मते मिळाली, तर शिवसेनेचे ॲड. निलेश काकडे यांना १८ मते मिळाली. त्यामुळे शान-ए-हिंद यांनी मोठ्या फरकाने उपमहापौरपद पटकावले. या वेळी इस्लाम पार्टी, समाजवादी पार्टी आणि काँग्रेसच्या नगरसेवकांनी एकत्रितपणे पाठिंबा दिला..Mumbai Mayor Election: मुंबईच्या महापौरपदासाठी रितू तावडे भाजपच्या उमेदवार, उपमहापौरपद शिंदेंच्या सेनेला.मालेगाव महापालिकेत इस्लाम पार्टी ३५ जागांसह सर्वात मोठा पक्ष आहे. त्यानंतर एमआयएमचे २१, शिवसेनेचे १८, समाजवादी पार्टीचे ५, काँग्रेसचे ३ आणि भाजपचे २ नगरसेवक आहेत. या संख्याबळाच्या आधारे इस्लाम पार्टी आणि समाजवादी पार्टीने सत्ता स्थापन करण्यात यश मिळवले..महापौर आणि उपमहापौर पदासाठीची निवडणूक जिल्हाधिकारी तथा पिठासीन अधिकारी आयुष प्रसाद यांच्या अध्यक्षतेखाली पार पडली. महापालिका आयुक्त रवींद्र जाधव यांचीही यावेळी उपस्थिती होती. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
