Washim News : खरीप हंगामाला सुरुवात होत असतानाच वाशीम जिल्ह्यात शेतकऱ्यांना सर्वाधिक पसंती असणाऱ्या डीएपी (डाय-अमोनियम फॉस्फेट) खताचा तीव्र तुटवडा जाणवत आहे. त्यामुळे शेतकरी अक्षरशः खताच्या शोधात एक दुकान ते दुसरे दुकान अशी भटकंती करीत आहेत.
जिल्ह्यात शेतीपूर्व मशागतीची कामे, पेरणीसाठी तयारी आणि बियाण्यांची खरेदी सुरू झाली आहे. हा जिल्हा सोयाबीन उत्पादक जिल्हा असून अशा वेळी डीएपी खताचा मोठ्या प्रमाणात शेतकरी वापर करीत असतात.
इतर पिकांनाही हेच खत बहुतांश शेतकरी वापरतात. मात्र सध्या बाजारपेठेत डीएपी खत सहज उपलब्ध नसल्याने शेतकऱ्यांची गैरसोय होत आहे. या वर्षी वेळेवर डीएपी खताचा साठा विक्रेत्यांनी केला होता. परंतु हे खत विक्री झाले असून अनेक विक्रेत्यांकडे ‘नो स्टॉक’ असे सांगितले जाते.
कृषी निविष्ठा विक्रेत्यांकडे शेतकऱ्यांची गर्दी वाढली असतानाही बहुतांश दुकानांमध्ये डीएपी खताची अनुपलब्धता आहे. यामुळे निराश झालेले शेतकरी मिळेल तेथून हे खत मिळवण्याचा खटाटोप करीत आहेत. पेरणी जवळ आली असतानाच महत्त्वाच्या खतांचा तुटवडा निर्माण झाल्याने शेतकरी संतप्त होत आहेत.
पुरवठा कमी
जिल्ह्याला खरीप हंगामासाठी किमान सात ते साडेसात हजार टन खतसाठा हवा असतो. परंतु आजवर २०७१ टन पुरवठा झालेला आहे. शिवाय मार्चअखेर १३०० टन साठा शिल्लक होता. हे मिळूनसुद्धा अद्याप गरजेच्या ५० टक्केही खत आलेले नाही. त्यामुळे बाजारपेठेत महत्त्वाच्या खतांची लक्षणीय टंचाई उद्भवत आहे. वरिष्ठ स्तरावरूनच या महत्त्वाच्या खतांच्या पुरवठ्यात कात्रीचे धोरण असल्याचे सांगितले जात आहे. परंतु त्याचा फटका हंगामात शेतकऱ्यांना बसू लागला आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.