Agri Business : नांदेड लोहा तालुक्यातील प्रगतिशील शेतकरी रेशीम शेतीच्या माध्यमातून एकरी दोन ते तीन लाख रुपयांपर्यंत उत्पन्न मिळवत आहेत. या शेतकऱ्यांच्या अनुभवातून इतरांनी प्रेरणा घेऊन शाश्वत उत्पन्नासाठी रेशीम शेतीचा अवलंब करावा, असे प्रतिपादन रेशीम विकास अधिकारी अशोक वडवळे यांनी केले..रेशीम दिनानिमित्त जिल्हा रेशीम कार्यालयाच्या वतीने लोहा तालुक्यातील सायाळ येथे रेशीम दिन उत्साहात साजरा करण्यात आला. या वेळी ते बोलत होते. कार्यक्रमास एसबीआय-आरसेटीचे संचालक कैलास जायभाये, आशिष राऊत, जिल्हा रेशीम कार्यालयाच्या क्षेत्र सहायक कांचन जाधव तसेच तांत्रिक सहायक अभय कुलकर्णी उपस्थित होते.भारतीय स्टेट बँकेच्या ग्रामीण स्वयंरोजगार प्रशिक्षण संस्थेच्या (एसबीआय-आरसेटी) वतीने रेशीम उत्पादक शेतकऱ्यांमध्ये उद्योजकतेला चालना देण्यासाठी सायाळ येथे दहा दिवसीय मार्गदर्शन व प्रशिक्षण शिबिराचे आयोजन करण्यात आले आहे..Silk Farming: कापूस-सोयाबीनला तुती रेशीम पर्याय; शेतकऱ्यांना जास्त कमाईची संधी? मुख्यमंत्र्यांचा सल्ला.श्री. वडवळे म्हणाले, की सध्या पावसाचे प्रमाण कमी असल्याने पारंपरिक पिकांवर त्याचा विपरीत परिणाम होत आहे. अशा परिस्थितीत रेशीम शेती ही शेतकऱ्यांसाठी फायदेशीर पर्यायी शेती पद्धत ठरत असून, उत्पन्नाचा शाश्वत स्रोत निर्माण करण्यास उपयुक्त आहे..Silk Industry Development: ‘सिल्क’मुळे जालन्याच्या विकासाला नवी दिशा : मुख्यमंत्री.त्यामुळे जिल्ह्यातील अधिकाधिक शेतकऱ्यांनी रेशीम शेतीचा अवलंब करावा, असे आवाहन त्यांनी केले.रेशीम शेतीला व्यवसायाची जोड देऊन शेतकऱ्यांमध्ये उद्योजकतेची भावना निर्माण करण्याच्या उद्देशाने एसबीआय-आरसेटीच्या वतीने हे दहा दिवसीय प्रशिक्षण शिबिर आयोजित करण्यात आले आहे. .या प्रशिक्षणाच्या माध्यमातून रेशीम उत्पादक शेतकऱ्यांना व्यवसाय व्यवस्थापन, उद्योजकता तसेच संबंधित विविध बाबींचे मार्गदर्शन करण्यात येणार आहे.या वेळी माधव जायभाये, भारत राऊत, लक्ष्मण दळवे, किरण शिखरे, गंगाधर पावडे आणि कल्याण पाटील या प्रगतिशील रेशीम उत्पादक शेतकऱ्यांचा सत्कार करण्यात आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
