Solapur News: भारताचे माजी पंतप्रधान स्व. चौधरी चरणसिंह यांच्या जयंतीनिमित्त दरवर्षी २३ डिसेंबर राष्ट्रीय किसान दिन साजरा केला जातो. या दिनाचे औचित्य साधून महात्मा फुले कृषी विद्यापीठ, राहुरीअंतर्गत कृषी विज्ञान केंद्र, मोहोळ येथे मंगळवारी (ता. २३) नैसर्गिक शेती या विषयावर चर्चासत्राचे आयोजन करण्यात आले होते..कार्यक्रमाचे प्रास्ताविक डॉ. तानाजी वाळकुंडे यांनी केले. त्यांनी राष्ट्रीय किसान दिनाचे महत्त्व विशद करताना स्व. चौधरी चरणसिंह यांच्या शेतकरी-केंद्रित धोरणांचा आढावा घेतला. शाश्वत शेतीच्या दृष्टीने नैसर्गिक शेती ही काळाची गरज असल्याचे त्यांनी या वेळी नमूद केले..Natural Farming : २५ लाख हेक्टर क्षेत्र नैसर्गिक शेतीखाली आणण्याचे लक्ष्य; मुख्यमंत्री फडणवीस यांचे प्रतिपादन .या वेळी विषयतज्ज्ञ (कृषी विस्तार) डॉ. विशाल वैरागर यांनी विकसित भारत जी-रामजी या नवीन योजनेबाबत मार्गदर्शन केले. २०४७ विकसित भारत ही संकल्पना समोर ठेवून केंद्र सरकारने या योजनेचा प्रारंभ केला असून, मनरेगाअंतर्गत असलेल्या १०० दिवसांच्या रोजगार हमीऐवजी या योजनेत १२५ दिवसांची कौशल्याधारित आजीविका व दीर्घकालीन रोजगाराची हमी देण्यात येणार असल्याचे त्यांनी सांगितले..Natural Farming: नैसर्गिक शेतीला पूरक कृषी-विहंगांचे विश्व .या योजनेमध्ये केंद्र व राज्य सरकार यांच्यात ६०:४० खर्चाचा वाटा राहणार आहे. ही योजना विशेषतः भूमिहीन, छोटे व अल्पभूधारक शेतकरी तसेच महिलांना केंद्रस्थानी ठेवून तयार करण्यात आली असून, शेतकऱ्यांचे शाश्वत उत्पन्न वाढवणे हा या योजनेचा मुख्य उद्देश असल्याचे त्यांनी स्पष्ट केले..कार्यक्रमातील तांत्रिक सत्रात काजल म्हात्रे यांनी नैसर्गिक शेतीची संकल्पना, मूलतत्त्वे, उत्पादन खर्च कमी करण्याच्या पद्धती, मातीची सुपीकता वाढवणे तसेच पर्यावरणपूरक शेतीचे फायदे याबाबत सखोल व मार्गदर्शक माहिती दिली. शेतकऱ्यांनी रासायनिक शेतीपासून हळूहळू नैसर्गिक शेतीकडे वळावे, असे आवाहन त्यांनी केले.या वेळी उपस्थित शेतकऱ्यांपैकी श्री. पुदे, श्री. रणदिवे व श्री. टेकाळे यांनी आपले अनुभवकथन करताना नैसर्गिक शेतीमुळे उत्पादन खर्चात घट, मातीच्या आरोग्यात सुधारणा तसेच उत्पन्नात स्थैर्य मिळाल्याचे सांगितले. अधिकाधिक शेतकऱ्यांनी नैसर्गिक शेतीचा अवलंब करावा, असे आवाहन त्यांनी या वेळी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
