ॲग्रोवन वृत्तसेवा
Parbhani News : परभणी : विविध पिकांतील कीड व अन्नद्रव्य व्यवस्थापनसाठी कृषी ड्रोनद्वारे फवारणी केल्यास खर्च व वेळेची बचत होते. त्यादृष्टीने भाडेतत्त्वावर ड्रोन उपलब्ध व्हावेत. त्यांची देखभाल व दुरुस्ती तसेच युवा शेतकऱ्यांना स्मार्ट व प्रगतिशील तंत्रज्ञानाचा वापर करून शेतीतील कामे व स्वयंरोजगार निर्मिती करता यावी या दृष्टिकोनातून वसंतराव नाईक मराठवाडा कृषी विद्यापीठ आणि हरियानातील फरिदाबाद येथील वॉव गो ग्रीन कृषी विमान (ड्रोन) यांच्यात सामंजस्य करार करण्यात आला.
कुलगुरू डॉ. इंद्र मणी यांच्या प्रमुख उपस्थितीत या सामंजस्य करारावर विद्यापीठातर्फे संचालक संशोधन डॉखिजर बेग, संचालक शिक्षण डॉ. उदय खोडके, संशोधन अभियंता डॉ. स्मिता सोलंकी, डॉ. विशाल इंगळे तसेच वॉव गो ग्रीन कृषी विमान (ड्रोन) चे संचालक शंकर गोयंका, राहुल मगदुम, गंगाधर कोल्हे यांनी करारावर स्वाक्षऱ्या केल्या. या प्रसंगी संचालक विस्तार शिक्षण डॉ. धर्मराज गोखले, डॉ. राहुल रामटेके, डॉ. प्रवीण कापसे, प्रगतिशील शेतकरी मंगेश देशमुख (पेडगाव), सचिन शेळके (पारवा), सचिन देशमुख (पिंपरी) यांची उपस्थिती होती.
कुलगुरू डॉ. इंद्र मणी म्हणाले, ‘या करारामुळे शेतकऱ्यांना भाडेतत्त्वावर ड्रोन आधारित शास्त्रशुद्ध पद्धतीने फवारणी करणे सुलभ होईल. युवा शेतकरी गटास स्वंयरोजगाराची संधी उपलब्ध होईल. अल्पभूधारक शेतकऱ्यांचे जीवनमान उंचावण्यासाठी प्रयत्न करण्यात येऊन शेतीतील कामासाठी फवारणीमुळे भाडेतत्त्वावर ड्रोन उभारणी केंद्राचा आर्थिकदृष्ट्या फायदा होईल.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.