Maharashtra Forests : गोंदिया पावसाळ्याच्या आगमनानंतर नवेगावबांध परिसरातील शेतबांध, माळराने आणि जंगल परिसर विविध प्रकारच्या रानभाज्यांनी बहरला आहे. औषधी गुणधर्म, पौष्टिक मूल्य आणि रसायन अवशेष मुक्त असल्यामुळे या रानभाज्यांना स्थानिक बाजारपेठेत मोठी मागणी असून, त्यांच्या विक्रीतून ग्रामीण महिलांना हंगामी रोजगाराचे साधन उपलब्ध झाले आहे..परिसरात तरोटा, लेंगडा, अरतीफरी, कोलार, पातूर, शेरडीरा, खापरखुटी, आंबाडी, रान काटवल, शिलार, नागरकेना, करमुर, शेरफरा, वास्ते (बांबूचे कोंब), कुड्याची फुले व शेंगा, सात्या अशा २० हून अधिक प्रकारच्या रानभाज्या नैसर्गिकरित्या उगवतात. पावसाळ्यात या भाज्या गोळा करून ग्रामीण महिला आठवडी बाजारात विक्रीसाठी आणतात. त्यामुळे त्यांच्या कुटुंबाच्या उत्पन्नात भर पडत असून, या नैसर्गिक संपत्तीमुळे ग्रामीण अर्थकारणालाही हातभार लागत आहे. रानभाज्यांमध्ये लोह, कॅल्शियम, जीवनसत्त्वे, तंतुमय घटक आणि अँटिऑक्सिडंट्स मुबलक प्रमाणात असतात. .Coriander Intercropping: उसातील कोथिंबिरीची नियोजनबद्ध शेती.रासायनिक फवारणीशिवाय नैसर्गिकरित्या वाढत असल्याने या भाज्या सुरक्षित आणि पौष्टिक मानल्या जातात. त्यामुळे पावसाळ्यात अनेक कुटुंबांकडून या भाज्यांचा आहारात आवर्जून समावेश केला जात आहे. मात्र, शेतबांध आणि रानमाळावर तणनाशकांचा वाढता वापर, तसेच नैसर्गिक अधिवासात होणारे बदल यामुळे काही दुर्मिळ रानभाज्यांच्या प्रजाती धोक्यात येत असल्याची चिंता जाणकारांनी व्यक्त केली आहे. या पारंपरिक अन्नसंपत्तीचे संवर्धन करण्यासाठी तणनाशकांचा नियंत्रित वापर आणि जनजागृतीची आवश्यकता असल्याचे मत व्यक्त केले जात आहे..Ashadhi Wari: एक तरी वारी अनुभवावी... .पावसाळ्यात मिळणाऱ्या रानभाज्या चवदार आणि पौष्टिक असतात. आम्ही दरवर्षी या भाज्या गोळा करून बाजारात विकतो. त्यामुळे घरखर्चाला हातभार लागतो. या रानभाज्यांचे संवर्धन होणे काळाची गरज आहे.- सोनाली डायरे, रानभाजी विक्रेती, नवेगावबांध.रानभाज्यांमध्ये नैसर्गिक औषधी गुणधर्म असल्यामुळे पावसाळ्यात अनेक ग्राहक त्यांना पसंती देतात. या भाज्यांच्या विक्रीतून हंगामात अतिरिक्त उत्पन्न मिळते.- साजणी कोडापे, रानभाजी विक्रेती, रांजीटोला.रोटा, अरतीफरी, आंबाडी, पातूर, खापरखुटी यांसारख्या रानभाज्यांचा आमच्या घरात नियमित वापर होतो. या भाज्या चविष्ट, पौष्टिक आणि विषमुक्त असल्याने रोगप्रतिकारशक्ती वाढण्यास मदत होते. प्रत्येकाने हंगामी रानभाज्यांचा आहारात समावेश करावा.- वंदना राऊत, गृहिणी, नवेगावबांध.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
