Jalna News : अतिवृष्टी अनुदानाचे पैसे खातेदारांच्या बॅंक खात्यामध्ये वर्ग केल्यानंतर संबंधित खातेदाराला तुटपुंजी रक्कम देऊन अनुदानाचा मलिदा महसूल अधिकारी, कर्मचाऱ्यांनी लाटल्याचा प्रकार पुढे आला आहे. आर्थिक गुन्हे शाखेकडून १४ हजार पाचशे खातेदारांची चौकशी करण्यास सुरवात झाल्यानंतर हा प्रकार पुढे आला. त्यामुळे हा अतिवृष्टी अनुदान घोटाळा पूर्वनियोजित असल्याचे दिसून येत आहे..अतिवृष्टी अनुदान घोटाळा प्रकरणात २८ महसूल अधिकारी, कर्मचाऱ्यांवर गुन्हे दाखल झाले आहेत. या गुन्ह्याचा तपास आर्थिक गुन्हे शाखा करत असून, अनुदानाची रक्कम वर्ग केलेल्या १४ हजार पाचशे खातेदारांची चौकशी करण्यास सुरवात केली आहे. या चौकशीदरम्यान खात्यावर पैसे टाकण्यापूर्वीच खातेदारांना चुकीची माहिती देऊन पैसे वर्ग करण्याचे पुढे आले आहे. .Crop Compensation Scam : जालन्यातील महसुलच्या २८ कर्मचाऱ्यांवर फौजदारी गुन्हे.पैसे वर्ग झाल्यानंतर खात्यावर पैसे घेतल्याबद्दल खातेदारांना तुटपुंजी रक्कम देऊन इतर रक्कम या महसूल अधिकारी, कर्मचाऱ्यांनी मित्र, नातेवाइकांसह स्वतः घेऊन पोबारा केला. आर्थिक गुन्हे शाखेकडून या खातेदारांना बोलावून त्यांचा जबाब घेण्यास सुरवात केली आहे. .विशेष म्हणजे, घोटाळेबाजांनी एका खातेदाराच्या खात्यावर ३० हजार ते ६५ हजारांपर्यंत अनुदानाची रक्कम टाकण्यात आल्याचे तपासामध्ये पुढे आले आहे. दरम्यान, आर्थिक गुन्हे शाखेकडून खातेदारांची चौकशीला आता सुरवात झाल्यामुळे या घोटाळ्यात आणखी कुठल्या प्रकारे गैरव्यवहार करण्यात आला ते ही स्पष्ट होणार आहे..‘अटकपूर्व’साठी वीस जणांचे अर्जगुन्हे दाखल झालेल्या २८ पैकी वीस महसूल अधिकारी, कर्मचाऱ्यांकडून अंबड अतिरिक्त जिल्हा व सत्र न्यायालयात अटकपूर्व जामिनासाठी अर्ज दाखल करण्यात आले आहेत. या प्रकरणी आर्थिक गुन्हे शाखेला कागदपत्र दाखल करण्यासाठी गुरुवारी (ता.चार) न्यायालयाने ता.१० सप्टेंबरची तारीख वाढवून दिली आहे. .अतिवृष्टी अनुदान वाटपात २४ कोटी ९० लाखांच्या निधीचा घोटाळा केल्या प्रकरणी २८ महसुल अधिकारी, कर्मचाऱ्यांवर अंबड पोलिस ठाण्यात गुन्हा दाखल झाला. गुन्हा दाखल होऊन १६ दिवसानंतर हे २८ जण फरार आहेत. .Crop Compensation Scam : ‘त्या’ फरार २८ जणांचे बॅंक खाते ‘होल्ड’.या फरार २८ पैकी गणेश मिसाळ, विठ्ठल गाडेकर, शिवाजी डालके, सुनील सोरमारे, डिगंबर कुरेवाड, रमेश कांबळे, सुकन्या गवते, कृष्णा मुजगुले, विजय जोगदंड, निवास जाधव, विनोद ठाकरे, प्रवीण सिनगारे, बप्पासाहेब भुसारे, सूरज बिक्कड, वैभव आडगावकर, विजय भांडवले, रामेश्वर बारहाते, दिनेश बेराड, कैलास घारे, बाळू सानप वीस जणांनी वकिलामार्फत अंबड अतिरिक्त जिल्हा व सत्र न्यायालयात अटकपूर्व जामिनासाठी अर्ज केला आहे..अतिवृष्टी अनुदान घोटाळाप्रकरणी खातेदारांची चौकशी सुरू केली आहे. चौकशीदरम्यान खात्यावर पैसे कशाचे आले हे अनेकांना माहिती नव्हते, असे समोर येत आहे. ओळखीच्या व्यक्तीने ‘पैसे येतील’ असे सांगून पैसे खात्यावर आल्यानंतर काही रक्कम देऊन इतर पैसे घेऊन गेल्याचे चौकशीत दिसले आहे. पैसे घेऊन जाणारे कोण होते, याचा तपास सुरू आहे.- मिथुन घुगे, सहायक पोलिस निरीक्षक, आर्थिक गुन्हे शाखा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
