Satara News: राज्य शासनाच्या जलसंपदा विभागाने प्रशासकीय सुसूत्रता आणि खर्चात कपात करण्यासाठी सातारा जिल्ह्यातील कार्यालयांची मोठी पुनर्रचना करण्याचा निर्णय घेतला आहे. यानुसार पुणे मुख्य अभियंता कार्यालयांतर्गत असलेले ‘सातारा सिंचन मंडळ’ कार्यालय कायमचे बंद करण्याचे प्रस्तावित असून, त्याचा संपूर्ण कार्यभार ‘सातारा पाटबंधारे प्रकल्प मंडळा’कडे हस्तांतरित करण्यात येणार आहे. कृष्णा खोरे विकास महामंडळाच्या या निर्णयामुळे जलसंपदा विभागाच्या कर्मचाऱ्यांत अस्वस्थता पसरली आहे..जलसंपदामंत्री राधाकृष्ण विखे- पाटील यांनी महामंडळाच्या विविध कार्यालयांचे स्थलांतर आणि पुनर्रचना करण्यास मंजुरी दिली आहे. या निर्णयाचा सर्वाधिक फटका ‘धोम कालवे विभाग क्रमांक २’ ला बसणार असून, या विभागासह त्याअंतर्गत येणारी सुमारे १३ उपविभाग कार्यालये बंद केली जाणार आहेत..Irrigation Project Issues: उजनी धरणावरील सात योजना अपूर्णच.यामध्ये धोम डावा कालवा, कण्हेर भूमी संपादन, पुनर्वसन आणि लघुपाटबंधारे उपविभागांचा समावेश आहे. या विभागांतील कामे पूर्णत्वाकडे आल्याने हा निर्णय घेतल्याचे समजते. दुसरीकडे उरमोडी धरण विभागाचे मुख्यालय आता सातारा शहरातून थेट नागठाणे (ता. सातारा) येथे, तर जिहे-कठापूर उपसा सिंचन विभागाचे कार्यालय नेर (ता. खटाव) येथे स्थलांतरित करण्यात येणार आहे..Irrigation Projects: सिंचन प्रकल्पांबाबत जलसंपदामंत्री विखे पाटील यांच्यासोबत चर्चा .या बदलांमुळे कर्मचाऱ्यांची मोठी ओढाताण होणार असून, लाभक्षेत्रातील शेतकऱ्यांनाही आपल्या कामांसाठी आता नवीन मुख्यालयांचे उंबरठे झिजवावे लागणार आहेत. शहराच्या मध्यवर्ती भागात असलेल्या पाटबंधारे विभागाच्या मोक्याच्या जागा आणि कार्यालये बंद करून त्या जागांचे खासगीकरण करण्याचा हा डाव तर नाही ना, अशी शंका व्यक्त केली जात आहे. विशेष म्हणजे, इतका मोठा बदल होत असताना लोकप्रतिनिधींनी अद्याप मौन बाळगल्याने कर्मचाऱ्यांमध्ये अस्वस्थता अधिकच वाढली आहे..जुना खर्च पाण्यात?जिहे- कठापूर योजनेसाठी सातारा येथील सिंचन भवन परिसरात गुरुवर्य लक्ष्मणराव इनामदार उपसा सिंचन योजनेच्या मॉडेलसाठी शासनाने सुमारे ५० लाख रुपये खर्च केले होते. आता हे कार्यालय नेर येथे हलवल्यामुळे हा लाखो रुपयांचा खर्च पूर्णपणे पाण्यात जाणार आहे. नवीन ठिकाणी वसाहत आणि कार्यालयासाठी पुन्हा कोट्यवधींचा खर्च अपेक्षित असल्याने ही कसली काटकसर, असा प्रश्न कर्मचारी विचारत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
