Satara News : जिल्ह्यात ऑगस्टमध्ये झालेल्या अतिवृष्टीत १४२ शेतकऱ्यांचे २१.६० हेक्टरवरील पिकांचे तीन कोटी २३ लाखांचे नुकसान झाले आहे. वाई, महाबळेश्वर, कऱ्हाड तालुक्यांत जास्त नुकसान झाले आहे. .महसूल व कृषी विभागाने संयुक्त पंचनामे केले असून, बाधिताच्या भरपाईसाठी शासनाकडे अहवाल पाठवला आहे. जून, जुलैमध्ये मुसळधार पाऊस होऊनही खरीप पिकांचे नुकसान झाले नसल्याचे महसूल व कृषी विभागाच्या पंचनाम्याच्या अहवालातून स्पष्ट होत आहे..Crop Damage Survey : चाकूर तालुक्यात नुकसानीचे पंचनामे सुरू.जिल्ह्यात जून, जुलैमध्ये जिल्ह्यात पश्चिमेकडील तालुक्यात मुसळधार पाऊस होऊनही खरीप पिकांचे मोठे नुकसान झाले नसल्याचे पंचनाम्याच्या अहवालातून स्पष्ट होत आहे. मात्र, ऑगस्टमध्ये झालेल्या मुसळधार पावसाने जिरायती पिकांचे ८.९३ हेक्टरचे, बागायती पिकांचे १२.३७ हेक्टरवरील, तर फळबागांचे एक हेक्टरवरील क्षेत्र बाधित झाले आहे. .जिल्ह्यातील वाई, महाबळेश्वर, पाटण, सातारा तालुक्यांतील शेतीचे सर्वाधिक क्षेत्र बाधित झालेले आहे. सर्वाधिक नुकसान वाई व महाबळेश्वर तालुक्यात झालेले आहे. वाई तालुक्यातील जिरायती पिकांचे ८.०७ हेक्टर, बागायती पिकांचे ४.३० हेक्टर असे एकूण १२.३७ हेक्टरवरील क्षेत्राचे नुकसान झाले आहे. महाबळेश्वर तालुक्यातील जिरायती पिकांचे ०.२० गुंठे, बागायती पिकांचे ५.६४ हेक्टरवरील शेतीचे नुकसान झालेले आहे..पाटण तालुक्यातील ०.५३ हेक्टरवरील शेतीचे नुकसान झाले आहे. जिल्ह्यातील वाई ९३, महाबळेश्वर ३४, पाटण पाच, कऱ्हाड नऊ, सातारा एक असे एकूण १४२ शेतकऱ्यांचे २१.६० हेक्टरवरील ३.२३ लाखांचे नुकसान झालेले आहे. या नुकसानीची भरपाई मिळण्यासाठी शासनाकडे प्रस्ताव पाठविण्यात आला आहे..Crop Damage: पावणेतीन लाख हेक्टरवर लातूर जिल्ह्यात फटका.घरांचेही मोठे नुकसानअतिवृष्टीत घरांचेही मोठे नुकसान झाले आहे. पाटण तालुक्यातील ३२, महाबळेश्वर १०, जावळी दोन, कोरेगाव एक, खंडाळा दोन अशा ४७ घरांचे नुकसान झाले आहे. त्यासाठी १.८८ लाख रुपयांच्या भरपाईची आवश्यकता आहे..दोन जनावरे मृत झाली असून, त्यांना जिल्हाधिकारी कार्यालयाकडून भरपाई देण्याची प्रक्रिया सुरू आहे. शेतजमिनीचे १.३० हेक्टरवर नुकसान झाले असून, त्यातून २० शेतकरी बाधित झाले आहेत. यामध्ये कऱ्हाड तालुक्यातील १८, सातारा तालुक्यातील एक, पाटण एक शेतकरी बाधित झाला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
