Nashik News: साडेतीन शक्तीपीठांपैकी एक असलेल्या श्रीक्षेत्र सप्तशृंगगडावर आदिमायेच्या दर्शनासाठी दिवाळी सुटीच्या कालावधीत होत असलेली गर्दी लक्षात घेता आज (ता.२२) पासून ते ६ नोव्हेंबरपर्यंत मध्यरात्री बारापर्यंत दर्शनासाठी खुले ठेवण्याची सुविधा उपलब्ध करून देण्यात आली आहे, अशी माहिती श्री सप्तशृंग निवासिनी देवी ट्रस्ट यांच्यावतीने देण्यात आली..दिवाळी उत्सव राज्यातील कालावधीदरम्यान तसेच परराज्यातील विविध शाळा-महाविद्यालयांना सुटी असते. दर वर्षी दिवाळीत दर्शनासाठी येणाऱ्या पायी पालख्या व नवरात्रोत्सवातील गर्दीच्या परिस्थितीमुळे श्री भगवती दर्शनासाठी येऊ न शकलेला भाविक वर्ग यांची मोठी संख्या असते. हे विचारात घेता अचानक होणाऱ्या संभाव्य गर्दीची परिस्थिती टाळण्यासाठी विश्वस्त संस्थेने नियोजन केले आहे. .Shakti Peeth In Maharashtra : महाराष्ट्रातील प्रसिद्ध देवीची मंदिरे कोणती?.दरम्यान, आवश्यकतेनुसार श्री भगवती मंदिरातील पर्यवेक्षक, सेवेकरी, सुरक्षारक्षक, मदतनीस तसेच देणगी कार्यालयातील कर्मचारी आदींसह आवश्यक मनुष्यबळाची उपलब्धता तसेच फ्युनिक्युलर रोपवे ट्रॉली सुविधादेखील दैनंदिन स्वरूपात पहाटे पाच ते रात्री साडेअकरापर्यंत भाविकांना उपलब्ध असेल. .Diwali Padwa Rituals : दिवाळी पाडव्याच्या दिवशी काय करावे? .दरम्यानच्या कालावधीत भाविकांना दैनंदिन पहाटे पाचपासून रात्री बारापर्यंत श्री भगवती दर्शन व्यवस्था सुरू असेल, याची नोंद घेऊन गर्दीचा कालावधी टाळून पर्यायी दर्शन सुविधेच्या उपलब्ध वेळेचा विचार करता आपल्या निर्धारित वेळेत श्री दर्शनासाठी येऊन मंदिर व्यवस्थापनास सहकार्य करावे, असे आवाहन विश्वस्त संस्थेतर्फे करण्यात आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
