Nashik News: मनमाड कृषी उत्पन्न बाजार समित्यामध्ये गेल्या वर्षभरात सत्ताकारण चर्चेत राहिले. यामध्ये वर्चस्ववाद, आरोप प्रत्यारोप, न्यायालयीन वाद चांगलेच गाजले. अखेर शुक्रवारी (ता. २१) सत्ताधारी विरोधकांतील संघर्ष संपला..बाजार समितीच्या सभापतिपदी ज्येष्ठ संचालक, माजी सभापती व माजी आमदार संजय पवार यांची बिनविरोध निवड झाली. त्यांच्या निवडीमुळे शिवसेनेने पुन्हा सत्ता मिळवली आहे..Sangli Market Committee Election : सांगली बाजार समितीत जागावाटपाचा तिढा सुटणार का?.मनमाड बाजार समितीच्या कामकाजावर न्यायालयीन प्रक्रियेमुळे मोठा परिणाम झाला होता. जिल्हा उपनिबंधकांच्या आदेशानुसार विद्यमान सभापती दीपक गोगडे यांचे सदस्यत्व अपात्र ठरविण्यात आले. त्यानंतर नवा सभापती निवडण्याची प्रक्रिया वेगाने सुरू झाली. शुक्रवारी बाजार समितीच्या कार्यालयात नांदगाव तालुका सहकार संस्थांचे सहायक निबंधक तथा प्राधिकृत अधिकारी अर्चना सौंदाणे यांच्या अध्यक्षतेखाली संचालक मंडळाची विशेष सभा झाली. त्यात शिवसेनेचे माजी आमदार संजय पवार यांची निवड करण्यात आली. सभेला १६ संचालक उपस्थित होते. या वेळी सभेत श्री. पवार यांचा एकमेव अर्ज असल्याने त्यांची बिनविरोध निवड झाली..Agriculture Market Committee: घनसावंगी बाजार समितीच्या विकासकामांसाठी प्रयत्न करू.आमदार सुहास कांदे यांनी त्यांचे स्वागत केले. सभेला कैलास भाबड, विठ्ठल आहेर, सुभाष उगले, दशरथ लहिरे, मधुकर उगले, संगीता कराड, चंद्रकला पाटील, गंगाधर बिडगर, किशोर लहाने, आनंदा पाटील, मार्तंड आहेर, दादा बंब, रूपेश ललवाणी तसेच माजी नगराध्यक्ष राजेंद्र पगारे, राजेंद्र सांगळे यांच्यासह कार्यकर्ते उपस्थित होते..आमदार सुहास कांदे यांच्या नेतृत्वाखाली पुन्हा एकदा ही जबाबदारी मिळाली असून, या विश्वासाला तडा जाऊ देणार नाही. कृषी उत्पन्न बाजार समिती सध्या ‘आजारी’ अवस्थेत आहे. सर्व घटकांच्या सहकार्याने तिला पुन्हा गतवैभव मिळवून देऊ.- संजय पवार, सभापती, कृषी उत्पन्न बाजार समिती, मनमाड.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
