Amravati News: कृषी विकासासाठी जाहीर करण्यात आलेल्या २५ हजार कोटींच्या आराखड्याचे प्रभावी नियोजन व अंमलबजावणीची मुख्य जबाबदारी सहायक कृषी अधिकारी व पर्यवेक्षकांवर आहे. या आकृतिबंधावर सकारात्मक निर्णयासाठी पाठपुरावा करण्यात येणार असल्याचे आश्वासन कृषिमित्र प्रतिष्ठानचे मुख्य प्रवर्तक तथा महाराष्ट्र राज्य विधानपरिषद सदस्य आमदार संजय खोडके यांनी दिले..कृषिमित्र प्रतिष्ठान अमरावतीतर्फे कृषी चर्चा सत्र आमदार संजय खोडके यांच्या अध्यक्षतेखाली आयोजित करण्यात आले होते. त्यावेळी ते बोलत होते. राज्याच्या कृषी विकासाच्या दृष्टीने पुढील पाच वर्षांसाठी २५ हजार कोटींचा आराखडा जाहीर करण्यात आला आहे..Agriculture Development : शेती विकासात वाशीम जिल्ह्याची उल्लेखनीय कामगिरी ः भरणे.या आराखड्यामध्ये दरवर्षी पाच हजार कोटींचा खर्च करण्याची तयारी शासनाने दर्शविली आहे. त्यामुळे आतापर्यंत कृषी खाते ज्या कृषी क्षेत्रावर पैसे खर्च करू शकले नाही. जिथे काही आर्थिक अडचणी निर्माण झाल्या होत्या, त्याठिकाणी आता चांगली गुंतवणूक व खर्च करता येणार आहे..मात्र कृषी विभागात प्रभावी नियोजन व अंमलबजावणी करीत असताना त्यामध्ये सहायक कृषी अधिकारी व पर्यवेक्षक हे त्यामधला दुवा आहे, ते फिल्डवर जाऊन काम करीत असल्याने शेती विकासात कुठे अडचणी आहेत, याबाबतची त्यांना माहिती असते..Agriculture Development: शेतकरी हिताच्या सूचनांना मान्यता कधी?.त्यामुळे कृषी विभागातील कर्मचाऱ्यांच्या बाबतीत आकृतिबंधचा प्रस्ताव शासनाकडे प्रस्तावित आहे. यावर आगामी काळात शासनाने सकारात्मक निर्णय घेण्यासाठी आपला पाठपुरावा सुरू राहणार आहे..विदर्भात कृषी विकासाला चालना द्यायची असेल तर कृषिक्षेत्रात काम करणे कृषी अधिकारी, कृषी व्यावसायिक, कृषितज्ञ व शेतकरी मित्रांच्या संघटनात्मक बांधणीतून काम करण्याची नितांत गरज आहे..अमरावती विभागातील कृषी विकासासंदर्भातील अडचणी व प्रश्न सोडविण्यासाठी सर्वांनी एकत्र मिळून आवाज उठविला तर न्याय मिळेल, , असे आवाहन आमदार संजय खोडके यांनी केले. यावेळी विवेक टेकाडे, दत्ता इंगोले, उमेश वानखेडे, कृषी पदवीधर व पदविकाधारक यांच्यासह कृषिमित्र उपस्थित होते. वीरेंद्र भोयर यांनी सर्वांचे आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
