Staff Welfare Society : अहिल्यानगर येथील जिल्हा परिषद कर्मचारी सोसायटीच्या अध्यक्षपदी संजय कडूस व उपाध्यक्षपदी अर्जुन मंडलिक यांची सर्वानुमते बिनविरोध निवड करण्यात आली आहे. जिल्हा परिषद कर्मचाऱ्यांच्या हितासाठी काम करत सभासदांचे समाधान होईल, असे काम करणार असल्याचे नूतन पदाधिकाऱ्यांनी सांगितले..अहिल्यानगर येथील जिल्हा परिषद कर्मचारी सोसायटीच्या अध्यक्ष, उपाध्यक्षांच्या निवडी करण्यात आल्या आहेत. जिल्हा उपनिबंधक कार्यालयातील अध्यासीन अधिकारी किरण आव्हाड यांच्या अध्यक्षतेखाली संचालक मंडळाची सभा पार पडली. या सभेत अध्यक्षपदासाठी संजय कडूस यांच्या नावाची सूचना संचालक प्रशांत मोरे यांनी मांडली. सदर सूचनेस कैलास डावरे यांनी अनुमोदन दिले..Employee Certificate Verification: कर्मचाऱ्यांच्या प्रमाणपत्र पडताळणी अहवालाची प्रतीक्षा.उपाध्यक्षपदासाठी मंडलिक यांच्या नावाची सूचना भाऊसाहेब चांदणे यांनी मांडली. सदर सूचनेस दिलीप डांगे यांनी अनुमोदन दिले. त्यानंतर दोन्ही पदाधिकाऱ्यांची बिनविरोध निवड झाल्याचे अध्यासी अधिकाऱ्यांनी जाहीर केले. नवनिर्वाचित पदाधिकाऱ्यांचा संचालक मंडळाच्या वतीने सत्कार करण्यात आला..Employee Protest: बाराशे कंत्राटी कर्मचाऱ्यांचे असहकार आंदोलन.कडूस म्हणाले की, जय श्री गणेश पॅनेलने निवडणुकीच्या वेळी सभासदांना दिलेल्या आश्वासनाची १०० टक्के पूर्तता करण्याचे काम हे संचालक मंडळ करत आहे. संस्थेचे आर्थिक हित व सभासदांचे हित डोळ्यासमोर ठेवून सहकारी संचालक व सभासदांच्या सहकार्याने विविध योजना राबविण्यात येतील..यावेळी सुरेखा महारनूर, श्रीकांत देशमाने, विक्रम ससे, विलास शेळके, अरुण जोर्वेकर, राजू दिघे, चंद्रकांत संसारे, ऋषिकेश बनकर, स्वप्नील शिंदे, ज्योती पवार, कल्याण मुटकुळे, सुधीर खेडकर, काशिनाथ नरोडे, योगेंद्र पालवे, मनीषा साळवे, अभिजित पवार, चेतन चव्हाण, व्यवस्थापक राजेंद्र पवार, उपव्यवस्थापक प्रशांत लोखंडे, संस्थेचे सभासद सुजाता भांडवलकर आदी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
