Sugarcane Farming: सांगली जिल्ह्यात आडसाली हंगामातील उसाची लागवड २७ हजार ९५४ हेक्टरवर झाली आहे. आता पूर्व हंगामातील ऊस लागवडीची लगबग सुरू होणार असली तरी यंदा या लागवडीवर परतीच्या पावसाची भिस्त राहणार आहे. त्यामुळे पूर्व आणि सुरू हंगामातील ऊस लागवड करताना शेतकऱ्यांमध्ये काहीशी धाकधूक निर्माण झाली आहे..जून, जुलै आणि ऑगस्टमध्ये जिल्ह्यात पावसाचे प्रमाण कमी-अधिक राहिले. विशेषतः पावसात पडलेल्या मोठ्या खंडाचा परिणाम आडसाली ऊस लागवडीवर झाला. आता पूर्व हंगामातील ऊस लागवडीसाठी शेतकरी नियोजन करू लागले आहेत. जून ते ऑगस्टदरम्यान पावसात खंड पडल्याने भूजलपातळीत अपेक्षित वाढ झालेली नाही. आडसाली हंगामातील काही क्षेत्रावरील नियोजित लागवडही सुरू हंगामाकडे वळण्याची शक्यता आहे..Sangli Sugarcane Cultivation: सांगली जिल्ह्यात उसाची लागवड पोहोचली १९ हजार हेक्टरवर.कोयना आणि वारणा धरणांमध्ये सध्या शंभर टक्के पाणीसाठा झाला असला तरी केवळ धरणातील पाणीसाठ्यावर ऊस लागवडीचे नियोजन करणे शेतकऱ्यांना शक्य होणार नाही. परतीचा पाऊस झाला तर भूजलपातळीला आधार मिळून पूर्व आणि सुरू हंगामातील लागवडीला चालना मिळू शकते. मात्र, परतीचा पाऊस लांबला किंवा अपेक्षेप्रमाणे झाला नाही, तर उपलब्ध पाण्यावर मर्यादा येण्याची शक्यता आहे..Sugarcane Farming: सातारा जिल्ह्यात आडसाली उसासाठी मशागतीला गती .परतीचा पाऊस झाला नाही तर आगामी काळात धरणातील पाण्याच्या वापरावर बंधने येण्याची शक्यता आहे. पाणीकपात, ऊस पाणीपुरवठ्यावर बंदी किंवा रोटेशन पद्धतीने पाणी देण्यासारख्या अडचणींना सामोरे जावे लागू शकते, असे साखर कारखानदारांनी सांगितले..यंदा आडसाली हंगामातील क्षेत्र घटणारगेल्या दोन ते तीन वर्षांपासून आडसाली हंगामातील ऊस लागवडीवर अतिपावसाचा परिणाम होत आहे. यंदा उन्हाळ्यातील अतिउष्णता, त्यातच पाणीकपात आणि लांबलेला पाऊस अशा विविध संकटांमुळे आडसाली हंगामातील ऊस लागवड उशिरा सुरू झाली. त्यामुळे यंदाही या हंगामातील क्षेत्र घटण्याचे चित्र सद्यःस्थितीत दिसत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
