Solapur Crime News : सोलापूर जिल्ह्यात चंदन चोरट्यांनी धुमाकूळ घातला असून एकाच आठवड्यात पंढरपूर व मोहोळ तालुक्यात दोन टोळ्या पकडण्यात आल्या आहेत. शेतकऱ्यांच्या शेतात झाडे मोठीच होऊ दिली जात नाहीत. त्यापूर्वीच तस्करांचा डोळा झाडांवर असतो.
चंदन चोरट्यांची दहशत इतकी आहे की, सहा महिन्यापूर्वी सोलापूर शहरातून पोलिस अधीक्षकांच्या शासकीय निवासस्थानातून चंदनाचे झाड तोडून चोरी करण्यात आली होती. जिथे चोवीस तास पोलिस तैनात आहेत.
सीसीटीव्ही कॅमेरे आणि उंच संरक्षक भिंत आहे, अशा ठिकाणी झाडाच्या फांदीचा आधार घेत सरंक्षक भिंत ओलांडून चंदनाच्या झाडावर डल्ला मारण्यात आला होता.
अनेक शेतकऱ्यांच्या शेतामध्ये नदीकाठी ओढ्याकाठी चंदनाची झाडे आहेत. दोन दिवसांपूर्वी पंढरपूर तालुक्यातील सोनके येथे ६३ .५५ किलोग्रॅम चंदनाची लाकडे, करवत, वजन काटा जप्त करण्यात आला असून एकूण चार लाख ५२ हजार ६५० रुपयांचा मुद्देमाल जप्त करण्यात आला.
तर मोहोळ तालुक्यात दोन मोटार सायकलींसह ५७.५०० किलोग्रॅम चंदन जप्त करण्यात आले असून एकूण चार लाख १८ हजारांचा मुद्देमाल जप्त करण्यात आला आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.