रशिया भारताकडून अधिक शेतमाल खरेदी करणार भारतातून रशियात मासे, कोळंबी, तांदूळ, तंबाखू, चहा, कॉफी, द्राक्षे आदी शेतमाल निर्यात होतोपुतिन यांच्याकडून पीएम मोदी यांचे तोंडभरुन कौतुक.Agriculture Trade: अमेरिकेचे राष्ट्राध्यक्ष डोनाल्ड ट्रम्प रशियाकडून तेल खरेदी करणे थांबवण्यासाठी भारतावर दबाव आणत असतानाच, रशियाचे राष्ट्राध्यक्ष व्लादिमीर पुतिन यांनी मोठा निर्णय घेतला आहे. त्यांनी भारतातून (India Russia relations) अधिक शेतमाल आणि औषधे खरेदी करण्याचे आदेश त्यांच्या प्रशासनाला दिले आहेत. ."भारताकडून अधिक शेतमाल खरेदी केली जाऊ शकतो. औषधे आणि फार्मास्युटिकल्स उत्पादनांबाबत आमच्याकडून काही ठोस पावले उचलली जाऊ शकतात," असे पुतिन यांनी वालदाई डिस्कशन क्लबच्या वार्षिक आंतरराष्ट्रीय परिषदेत बोलताना सांगितले. त्यांनी पुढे असेही म्हटले आहे की जर भारताने रशियाकडून तेल खरेदी थांबवली तर आपल्याला सुमारे ९ अब्ज ते १० अब्ज डॉलर्सचे नुकसान सोसावे लागेल..Agricultural Trade : भारत-रशिया यांच्यात व्यापार, कृषी क्षेत्रात सहकार्य वाढवण्यावर सहमती.आर्थिक वर्ष २०२५ मध्ये भारत आणि रशिया यांच्यामधील द्विपक्षीय व्यापार ६८.७ अब्ज डॉलर्स एवढा राहिला. त्यात भारताची ४.८८ अब्ज डॉलर्सची निर्यात आणि रशियातून ६३.८४ अब्ज डॉलर्स आयातीचा समावेश आहे..भारतातून रशियात कोणता शेतमाल निर्यात होतो?भारतातून रशियात मासे, कोळंबी, तांदूळ, तंबाखू, चहा, कॉफी, द्राक्षे आदी शेतमाल निर्यात होतो. याशिवाय रासायनिक उत्पादने, फार्मास्युटिकल्स, लोखंड आणि पोलाद, सिरेमिक उत्पादने, विमानाचे सुटे भाग, यंत्रसामग्री, काच आणि काचेची भांडी, कपडे, चामड्याच्या वस्तू, रबरच्या वस्तू, विद्युत यंत्रसामग्री आणि शस्त्रक्रिया उपकरणे ही उत्पादनेदेखील भारत निर्यात करतो. .Trade War: व्यापारयुद्धात शेतकऱ्यांचे हित सांभाळा!.भारत मोठ्या प्रमाणात रशियातून कच्चे तेल खरेदी करत आहे. ही बाब लक्षात घेता भारतासोबतच्या द्विपक्षीय व्यापारातील असमतोलता कमी करण्यासाठी उपाययोजना आखण्याचे आदेश पुतिन यांनी त्यांच्या प्रशासनाला दिले आहेत..भारत आणि रशिया यांच्यातील संबंध मजबूतदोन्ही देशांमधील द्विपक्षीय संबंधांबाबत बोलताना पुतिन यांनी अधोरेखित केले की रशिया आणि भारत यांच्यात कधीही कोणतीही समस्या अथवा तणाव निर्माण झाला नाही. त्यांनी नेहमीच त्यांच्या संवेदनशीलता विचार करुनच पावले उचलली आहेत..पीएम मोदींचे केले कौतुक"भारतासोबतच्या द्विपक्षीय संबंधात कधीही समस्या अथवा तणावाची परिस्थिती निर्माण झाला नाही. असे कधीच झाले नाही," असे पुतिन यांनी स्पष्ट केले. पंतप्रधान नरेंद्र मोदी आपले चांगले मित्र असल्याचे त्यांनी म्हटले. त्यांच्या विश्वासार्ह संवादात त्यांना नेहमीच सहजपणा अनुभवास येतो, असे त्यांनी नमूद केले.पुतिन यांनी पीएम मोदींच्या नेतृत्वाखालील सरकारच्या कामगिरीचे कौतुक केले. त्यांनी त्यांना 'समतोल साधणारा', 'बुद्धिमान' आणि 'राष्ट्रहित पाहणारा' नेता असे म्हटले आहे. .अमेरिकेच्या दबावापुढे भारत झुकला नाहीत्यांनी पुढे म्हटले की, "रशियाकडून तेल खरेदी थांबवण्याबाबत अमेरिकेने निर्माण केलेल्या दबावापुढे भारत झुकला नाही. ही गोष्ट सर्व भारतीयांना माहिती आहे. अमेरिकेने लागू केलेल्या आयात शुल्कामुळे भारताचे होणारे नुकसान रशियाकडून कच्च्या तेलाच्या आयातीतून भरून निघेल. तसेच त्यांची एक सार्वभौम राष्ट्र म्हणून प्रतिष्ठा वाढेल." .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
