Smart Mobility Initiative: महाराष्ट्र राज्य मार्ग परिवहन महामंडळाच्या वतीने विविध सामाजिक घटकांसाठी प्रवास अधिक सुलभ, पारदर्शक आणि डिजिटल करण्यासाठी ‘रुपे ऑन द गो एनसीएमसी’ (RuPay On-The-Go, NCMC) या सक्षम स्मार्ट कार्ड योजनेचे लोकार्पण मुख्यमंत्री देवेंद्र फडणवीस यांच्या हस्ते बुधवारी (ता.३१) करण्यात आले..या वेळी अमृतमहोत्सवी ज्येष्ठ नागरिक रमेश ढावरे, तसेच सवलतधारक महिला संगीता पालकर आणि वर्षा कांबळे यांना मुख्यमंत्री फडणवीस, उपमुख्यमंत्री एकनाथ शिंदे आणि सुनेत्रा पवार यांच्या हस्ते स्मार्ट कार्डचे वाटप करण्यात आले. या प्रसंगी परिवहनमंत्री प्रताप सरनाईक यांच्यासह सर्व मंत्री व एसटी महामंडळाचे अधिकारी उपस्थित होते..ST Employees: एसटी कर्मचाऱ्यांसाठी ६ हजार रुपयांचे सानुग्रह अनुदानासह, वेतन फरक आणि दिवाळीची आगाऊ रक्कम मंजूर; राज्य सरकारचा निर्णय.या उपक्रमांतर्गत विद्यार्थ्यांपासून ज्येष्ठ नागरिक, दिव्यांग, महिला तसेच विविध सवलतधारक प्रवाशांना आधार क्रमांकाशी संलग्न ‘एनसीएमसी’ स्मार्ट कार्ड वितरित करण्यात येणार आहे. या योजनेत राज्यातील सर्व आगार व बसस्थानकांवर नोंदणी व वितरण प्रक्रिया राबविण्यात येत आहे..ST Reservation Demand: ‘माझे बलिदान वाया जाऊ देऊ नका’.या स्मार्ट कार्डद्वारे प्रवाशांना वॉलेट टॉप-अपची सुविधा उपलब्ध राहणार असून, किमान १०० रुपयांपासून टॉप-अप करता येणार आहे. कार्डधारकांना बसमधील ईटीआयएम मशीन, संकेतस्थळ, मोबाइल ॲप तसेच अधिकृत एजंटमार्फत टॉप-अप करता येईल. नवीन कार्डची किंमत १९९ रुपये निश्चित करण्यात आली आहे..एसटीसारख्या सार्वजनिक परिवहन व्यवस्थेत डिजिटल क्रांती घडवून आणण्यासाठी हा उपक्रम अत्यंत महत्त्वाचा आहे. यामुळे प्रवाशांना सुलभ, सुरक्षित व पारदर्शक सेवा मिळेल आणि एसटी महामंडळाच्या कामकाजातही अधिक कार्यक्षमतेने सुधारणा होईल.देवेंद्र फडणवीस, मुख्यमंत्री.या उपक्रमामुळे राज्यातील लाखो सवलतधारक प्रवाशांना दिलासा मिळणार असून, एसटीच्या सेवांचा वापर आधुनिक पद्धतीने करता येईल.प्रताप सरनाईक, परिवहनमंत्री.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
