Sindhudurg News: सिंधुदुर्ग जिल्ह्यात नवी बारदाणे प्राप्त झाल्यामुळे अखेर गुरुवारपासून (ता. २५) भातखरेदीला प्रारंभ झाला आहे. जिल्ह्यातील कणकवली आणि वेंगुर्ला खरेदी केंद्रांवर खरेदीला सुरुवात झाली आहे. पुढील तीन-चार दिवसांत जिल्ह्यात दहा ते पंधरा केंद्रांवर खरेदी सुरू होणार आहे..पावसामुळे भातपीक कापणी लांबली आणि त्यामुळे यावर्षी भात खरेदीदेखील लांबणार हे निश्चित होते. परंतु भातपीक कापणी झाल्यानंतरदेखील काही दिवस उलटून गेले तरी देखील भातखरेदी सुरू झाली नव्हती..Paddy Procurement: भाताच्या सरकारी खरेदीला वेग, साठा १२ टक्क्यांनी वाढला, अधिक निर्यातीची संधी. जिल्हाधिकाऱ्यांनी ४१ भातखरेदी केंद्रांना मंजुरी दिली. त्यानंतर भात उत्पादक शेतकऱ्यांची नोंदणी त्या-त्या केंद्रांवर सुरू झाली. पंधरा दिवसांपूर्वी जिल्ह्यातील सर्वच केंद्रांनी भातखरेदी करण्याची पूर्वतयारी केली. परंतु जुन्या बारदाणांमध्ये भातखरेदी केली जाणार नाही, असा एकमुखी निर्णय सर्वच केंद्रांनी घेतला..Paddy Procurement: भात खरेदी केंद्रे कधी सुरु होणार?; व्यापाऱ्यांकडून दर पाडून खरेदी.त्यामुळे मार्केटिंग फेडरेशनने नव्या बारदाणांची मागणी केली. त्यामुळे गेले काही दिवस नव्या बारदाणांची प्रतीक्षा होती. दरम्यान दोन दिवसांपूर्वी नवीन बारदाणे प्राप्त झाली आहेत. त्यामुळे आता जिल्ह्यातील कणकवली आणि वेंगुर्ला या दोन केंद्रांवर भातखरेदी सुरू झाली आहे..चार-पाच दिवसांत १० ते १५ केंद्रांवर भातखरेदीला सुरुवात होणार आहे. सर्व केंद्रांना बारदाणे पुरविण्यात आले आहेत. दरम्यान तीन हजारांपेक्षा अधिक शेतकऱ्यांनी भातविक्रीकरिता नोंदणी केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
