Rice Used For Ethanol Production Impact On Maize Farmers: केंद्र सरकारच्या धोरणानुसार १ एप्रिल २०२६ पासून पेट्रोलमध्ये २० टक्के इथेनॉल मिश्रणाचे धोरण लागू केले आहे. केंद्र शासनाच्या ४ जून २०१८ च्या जैवइंधन धोरणानुसार उसाची मळी, कृषी अवशेष, स्टार्चयुक्त पदार्थ (मका, बटाटा) तसेच मानवी खाण्यास अयोग्य नसलेले गहू, तुकडा तांदूळ या पदार्थांपासून इथेनॉलची निर्मिती केली जाते. सदर धोरणान्वये अन्नधान्याच्या अतिरिक्त उत्पादनाचा आढावा घेऊन अतिरिक्त धान्य इथेनॉल निर्मितीसाठी रूपांतर करण्याचे धोरण आहे, अशी माहिती अन्न व नागरी पुरवठा आणि ग्राहक संरक्षण मंत्री छगन भुजबळ यांनी शुक्रवारी (दि. ६ मार्च) विधानसभेत लेखी उत्तरातून दिली. .इथेनॉल निर्मितीस मका ऐवजी तुकडा तांदूळ वापरला जात असल्याने मका उत्पादक शेतकऱ्यांचे नुकसान होत असल्याबाबत अमळनेरचे आमदार अनिल पाटील, परळीचे आमदार धनंजय मुंडे, पंढरपूरचे आमदार समाधान आवताडे यांनी प्रश्न उपस्थित केले आहेत. मक्याला हमीभावापेक्षा ३० टक्के कमी भाव मिळत असल्याचेही त्यांचे निदर्शनास आणून दिले आहे. त्यावर मंत्री भुजबळ यांनी लेखी उत्तरातून खुलासा केला आहे..केंद्र शासनाच्या अन्न व सार्वजनिक वितरण मंत्रालयाच्या १ सप्टेंबर, २०२५ रोजीच्या आदेशान्वये १ नोव्हेंबर २०२५ ते ३० जून, २०२६ या कालावधीकरीता भारतीय अन्न महामंडळ (FCI) यांच्याकडे उपलब्ध असलेला अतिरिक्त तांदूळ (कमाल ५२ लाख मेट्रीक टन) इथेनॉल निर्मितीकरीता डिस्टिलरींजना विक्रीसाठी मंजुरी दिली आहे, असे भुजबळ यांनी म्हटले आहे..Maize Price: मक्याला एक हजार हमीभाव फरक द्या, अब्दुल सत्तार यांची विधानसभेत मागणी.किमान आधारभूत किंमत खरेदी योजनेअंतर्गत खरेदी करण्यात येणारा मका केंद्र शासनाच्या धोरणानुसार सार्वजनिक वितरण प्रणाली अंतर्गत वितरीत केला जातो. या योजनेअंतर्गत इथेनॉल निर्मितीसाठी मका खरेदी केला जात नसल्याचे त्यांनी स्पष्ट केले आहे..Maize Procurement: मका हमीभाव खरेदीला ३१ मार्चपर्यंत मुदतवाढ.हमीभावाने ५ लाख ११ हजार मक्याची खरेदीसदर योजनेंतर्गत पणन हंगाम २०२५- २६ मध्ये १६ जिल्ह्यांतील ६०,०३५ शेतकन्यांनी शासनाकडे मका विक्री करण्यासाठी नोंदणी केली आहे. त्यापैकी १४ जिल्ह्यांमध्ये १२,२६९ शेतकऱ्यांकडून ५ लाख ११ हजार ५३५.९ क्विंटल मक्याची प्रतिक्विंटल २,४०० रुपयांच्या हमीभावाप्रमाणे खरेदी करण्यात आली असल्याची माहिती त्यांनी दिली आहे..केंद्र शासनाकडून पहिल्यांदा ६ लाख ६० हजार क्विंटल मका खरेदीचे उदिष्ट प्राप्त झाले होते. त्यानंतर केंद्र शासनाकडून अतिरीक्त ५ लाख क्विंटल मका खरेदीचे उदिष्ट प्राप्त झाले. यासाठी खरेदीची अंतिम मुदत ३१ मार्च २०२६ पर्यंत वाढविण्यात आल्याने मका खरेदी वाढणार असल्याचे त्यांनी नमूद केले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
