Jal Jivan Mission : ‘जलजीवन मिशन’च्या कामांची चौकशी करा

Nashik News : केंद्र सरकारची महत्त्वाकांक्षी जलजीवन मिशनअंतर्गत ‘हर घर जल’ या योजनेच्या माध्यमातून त्र्यंबकेश्वर तालुक्यात निकृष्ट दर्जाची कामे झाली आहेत.

या कामांची चौकशी करण्यासाठी नाशिक लोकसभेचे खासदार राजाभाऊ वाजे यांनी जिल्हा परिषदेच्या मुख्य कार्यकारी अधिकारी आशिमा मित्तल यांना पत्र दिले आहे. खासदार वाजेंनी त्र्यंबकेश्वर तालुक्यातील डोळओहळ, नीळउंबर व काकडपाडा येथील पाईपलाईनच्या कामांची पाहणी केली.

त्यात निकृष्ट दर्जाचे काम आढळले. स्थानिक आदिवासी बांधवांनी याबाबत सातत्याने विचारणा करूनही प्रशासन त्याकडे दुर्लक्ष करत असल्याचे स्थानिकांची तक्रार आहे.

तरी या कामांची तत्काळ तपासणी करून चौकशी करावी आणि दोषींवर कठोर कारवाई करण्याची मागणी खासदारांनी या पत्राद्वारे केली आहे.