ठळक मुद्देपूरग्रस्त शेतकऱ्यांना केंद्र सरकारचा मोठा दिलासापीएम किसान सन्मान निधीचा २१ वा हप्ता पंजाब, उत्तराखंड आणि हिमाचल प्रदेशातील शेतकऱ्यांसाठी जारी२७ लाख शेतकऱ्यांना दिली आगाऊ रक्कम.PM Kisan Yojana 21st Installment : आर्थिक अडचणीत असलेल्या पूरग्रस्त शेतकऱ्यांना केंद्र सरकारने मोठा दिलासा दिला आहे. पंतप्रधान किसान सन्मान निधीचा २१ वा हप्ता शुक्रवारी (दि.२६ सप्टेंबर) पंजाब, उत्तराखंड आणि हिमाचल प्रदेशातील शेतकऱ्यांसाठी वितरीत करण्यात आला. २१ व्या हप्त्याची ५४० कोटी रुपयांची आगाऊ रक्कम २७ लाख शेतकऱ्यांच्या थेट बँक खात्यात जमा करण्यात आली. केंद्रीय कृषिमंत्री शिवराज सिंह चौहान यांनी नवी दिल्लीतील कृषी भवन येथून हा २१ वा हप्ता जारी केला. .पंतप्रधान नरेंद्र मोदी यांच्या नेतृत्वाखाली सरकार या संकट काळात आपत्तीग्रस्त राज्यांच्या पाठीशी खंबीरपणे उभे आहे. ज्या नागरिकांच्या घरांचे नुकसान झाले आहे; त्यांना पंतप्रधान आवास योजना - ग्रामीण अंतर्गत घरे बांधून दिली जातील. मनरेगा अंतर्गत १५० दिवसांचा रोजगारदेखील उपलब्ध करुन दिला जाईल. आपत्तीग्रस्त राज्यांतील लोकांना मी आश्वस्त करु इच्छितो की, केंद्र सरकार तुमच्यासोबत आहे आणि तुम्हाला या संकटातून बाहेर काढेल, असे शिवराज सिंह चौहान यांनी म्हटले आहे..PM Kisan Yojana : जमिनीचा हक्क नसलेल्या शेतकऱ्यांनाही मिळणार पीएम किसान योजनेचा लाभ, लवकरच मिळणार हप्ता.मुखतः पंजाबमधील महापुरामुळे शेतकऱ्यांचे मोठे नुकसान झाले. या पार्श्वभूमीवर केंद्र सरकारने पूरग्रस्त शेतकऱ्यांसाठी २१ वा हप्ता आगाऊ स्वरुपात जारी केला आहे. .PM Kisan 21st Installment : दिवाळीपूर्वी शेतकऱ्यांना मिळू शकते खुशखबर?; पीएम किसानच्या २१ व्या हप्त्यापूर्वी तुमचे स्टेटस तपासा, जाणून घ्या स्टेप बाय स्टेप प्रक्रिया.पीएम किसान योजनेअंतर्गत प्रत्येक शेतकऱ्याच्या बँक खात्यात दरवर्षी तीन समान हप्त्यांमध्ये ६ हजार रुपये जमा केले जातात. याआधी या योजनेचे २० वा हप्ता जारी केला होता. आता पूरग्रस्त राज्यांतील शेतकऱ्यांसाठी २१ वा आगाऊ हप्ता देण्यात आला आहे. देशाच्या सीमेवरील गावांतील ज्या शेतकऱ्यांकडे जमिनीचा मालकी हक्क नाही, अशा शेतकऱ्यांनादेखील पीएम किसान योजनेचा लाभ दिला जाणार आहे, असे नुकतेच शिवराज सिंह चौहान यांनी म्हटले होते. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
