Sindhudurg News: सिंधुदुर्गनगरी जिल्ह्यातील ४१ भात खरेदी केंद्रांवर भात उत्पादकांची नोंदणी सुरू झाली असली तरी शेतकऱ्यांकडून थंडा प्रतिसाद मिळत आहे. आतापर्यंत केवळ ८९४ शेतकऱ्यांनी नोंदणी केली आहे. दरम्यान भात खरेदीला प्रत्यक्षात सुरुवात २० डिसेंबरनंतरच होण्याची शक्यता आहे..लांबलेल्या पावसामुळे सिंधुदुर्गात भातपीक कापणी २० नोव्हेंबरपर्यत सुरू होती. पावसामुळे भातपिकाचे मोठे नुकसानदेखील झाले आहे. त्यामुळे या वर्षी भातखरेदी नेमकी किती होईल याचा अंदाज अद्याप मार्केटिंग फेडरेशनला आलेला नाही. गेल्या आठवड्यापर्यंत जिल्ह्यात भात खरेदी नोंदणी सुरू झालेली नव्हती. त्यामुळे शेतकऱ्यांमध्ये संभ्रमाचे वातावरण होते. परंतु जिल्हाधिकाऱ्यांनी जिल्ह्यातील ४१ भात खरेदी केंद्रांना मंजुरी दिली. त्यानंतर या केंद्रांवर नोंदणी सुरू झाली. .Paddy Procurement: पाच हजार भात खरेदी केंद्रे, दीड कोटी शेतकऱ्यांच्या खात्यात ४८ तासांच्या आत पैसे जमा, योगी सरकारचा निर्णय.गेले आठवडाभर जिल्ह्यातील सर्व केंद्रांवर नोंदणी सुरू झाली आहे. परंतु धीम्या गतीने नोंदणी सुरू आहे. आतापर्यंत केवळ ८९४ शेतकऱ्यांनी नोंदणी केली. प्रत्यक्षात भात खरेदीलादेखील विलंब होण्याची चिन्हे आहेत. या वर्षी भात खरेदी २० डिसेंबरनंतर सुरू होण्याची शक्यता आहे. पावसामुळे भातपिकांचे नुकसान झाल्याने या वर्षी भात खरेदीदेखील कमी होण्याचा अंदाज आहे..Paddy procurement : देशात ११ महिन्यांत धान खरेदी ४ टक्के अधिक, अतिरिक्त साठा विकण्याची सरकारची तयारी.जिल्ह्यात व्यापाऱ्यांनी भात खरेदी सुरू केली आहे. व्यापारी प्रति क्विंटल १५०० ते २००० रुपयांनी खरेदी करीत आहेत. शासनाकडून खरेदीचा शासकीय दर प्रति क्विंटल २३६९ रुपये जाहीर केला आहे. या शिवाय शासन दरवर्षी शेतकऱ्यांना हेक्टरी बोनस देते. तरीदेखील काही शेतकरी व्यापाऱ्यांना कमी दराने भातविक्री करीत आहेत..शासनाने प्रति क्विंटल २३६९ रुपये दर निश्चित केलेला आहे. या पेक्षा कमी दराने जिल्ह्यात कुणी भात खरेदी-विक्री करीत असेल तर कारवाई करण्यात येणार आहे. शेतकऱ्यांनी अधिकृत केंद्रांवरच भातविक्री करावी.- तुळसीदास रावराणे, सभापती, कृषी उत्पन्न बाजार समिती, सिंधुदुर्ग.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
