Sustainable Farming: हवामान बदल आणि शाश्वत शेतीच्या वाढत्या आव्हानांमुळे जगभरातील ६० हून अधिक देश जैविक नियंत्रण (बायोलॉजिकल कंट्रोल) आणि जैविक उत्पादनांवर भर देत आहेत. विशेषतः विकसनशील देशांमध्ये हवामानाधारित शेती आणि त्यासाठीच्या वित्तपुरवठ्याला मोठे महत्त्व प्राप्त झाले आहे, असे प्रतिपादन ‘बायो प्रोडक्शन’चे अध्यक्ष तथा ‘वर्ल्ड व्हेजिटेबल’चे सदस्य केतन मेहता यांनी केले..आंतरराष्ट्रीय कृषी उद्योग प्रदर्शन व परिषदेअंतर्गत आयोजित ‘मृदासंवर्धन आणि पुनरुत्पादक शेती’ या विषयावरील चर्चासत्रात ते बोलत होते. चर्चासत्रात विकास चांडक, अरुप घोष आणि कृषी नोवोनेसिसचे व्यावसायिक प्रमुख षण्मुगम संबंधन यांनीही सहभाग घेतला..Smart Farming: ‘स्मार्ट फार्मिंग’ हाच शाश्वत प्रगतीचा मार्ग.मेहता म्हणाले, की पुनरुत्पादक शेती म्हणजे माती आणि तिच्यातील सूक्ष्म परिसंस्थेचे पुनरुज्जीवन होय. त्यामुळे शाश्वत शेतीचा पाया अधिक मजबूत होतो. शेतीतील प्रत्येक कृतीतून कार्बन उत्सर्जन कमीत कमी ठेवणे ही पुनरुत्पादक शेतीची महत्त्वाची बाब आहे..चांडक म्हणाले, की जमिनीतील कार्बनचे प्रमाण घटल्यास उत्पादन आणि उत्पादकतेवर विपरीत परिणाम होतो. त्यामुळे कार्बन फार्मिंग आणि हवामानअनुकूल शेतीच्या माध्यमातून मृदाआरोग्य सुधारण्यावर भर देणे आवश्यक आहे. हवामानातील अनिश्चिततेला शेती, शेतकरी आणि कृषी उद्योग कशा प्रकारे प्रतिसाद देतात, हेही तितकेच महत्त्वाचे आहे..International Agri Expo: आजपासून आंतरराष्ट्रीय कृषी उद्योग प्रदर्शनास सुरुवात.घोष यांनी सांगितले, की कौन्सिल ऑफ सायंटिफिक अँड इंडस्ट्रियल रिसर्च (सीएसआयआर) अंतर्गत सागरी शेवाळावरील संशोधनासाठी सक्षम वैज्ञानिकांची टीम कार्यरत आहे. सागरी शेवाळाची लागवड, त्याचे मूल्यवर्धन आणि त्यापासून उच्च मूल्याची उत्पादने विकसित करण्याचे काम संस्थेमार्फत केले जात आहे..संबंधन म्हणाले, की पुनरुत्पादक शेतीच्या संकल्पनेत गेल्या काही दशकांत प्रगती झाली असली, तरी भारतासारख्या १५ कोटी शेतकरी असलेल्या देशात तिचा अपेक्षित विस्तार झालेला नाही. यामागील कारणांचा शोध घेणे आवश्यक आहे..विविध विषयांवर चर्चासत्रेपरिषदेच्या दुसऱ्या दिवशी ‘भारत कृषी निविष्ठा क्षेत्रात जागतिक नेतृत्व कसे मिळवू शकतो?’ या विषयावर कोमल शाह यांचे व्याख्यान झाले. सकाळच्या सत्रात चैतन्य मीरा यांनी ‘आध्यात्मिक नेतृत्व आणि निर्णय प्रक्रिया’ या विषयावर मार्गदर्शन केले. याशिवाय कृषी निविष्ठांचे बदलते नियामक वातावरण, कृषी स्टार्टअप्स, नवकल्पना व गुंतवणूक, तसेच ‘मेक इन इंडिया’च्या माध्यमातून कृषी रसायन उद्योगाच्या पुढील तीन वर्षांतील वाढीच्या संधींवरही चर्चा झाली.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
