Yavatmal News: महात्मा गांधी रोजगार हमी योजनेतून सध्या विहीर आणि फळबाग लागवडीची कामे सुरू आहेत. मात्र, या कामावरील मजुरांची संख्या आता ५० टक्क्यांपेक्षा अधिक घटली आहे. विदर्भातील अकरा जिल्ह्यांत आजच्या घडीला ३ हजार ८७८ कामांवर १ लाख १ हजार ३८० मजूर कार्यरत आहेत. पावसाळ्यापूर्वी दोन लाखांहून अधिक मजूर अशा कामांवर कार्यरत होते..प्रत्येक मजुराच्या हाताला काम मिळावे, याकरिता महात्मा गांधी रोजगार हमी योजनेतून विविध कामे घेण्यात येतात. यात प्रामुख्याने पांदण रस्ते, शोषखड्डे, सिंचन विहीर, शौचालय, घरकुल बांधकाम, अनघड दगडी बांध, बांबू लागवड, वृक्ष लागवड, रोपवाटिका, शेततळे, ढाळींचे बांध, शेत सपाटीकरण, विहीर पुनर्भरण, रेशीम लागवड, पशुधन व शेळ्यांचा गोठा यासह इतर कामांचा समावेश आहे..MGNREGA Work: निधीअभावी रोहयोतील कामे ठप्प.पावसाळा वगळता हिवाळ्यात आणि उन्हाळ्यात रोजगार हमी योजनेतून मोठ्या प्रमाणात कामे सुरू राहतात. मजुरांची संख्यासुद्धा भरपूर राहते. विदर्भातील ११ जिल्ह्यांत ४० लाखांपेक्षा अधिक जॉबकार्डधारक मजूर आहेत. त्यामुळे आवश्यकतेनुसार मजुरांच्या हाताला कामे मिळतात. पावसाळ्यात कामांची संख्या कमी होते तेव्हा मजूर इतर कामे शोधण्यात व्यस्त होतात. आता पावसाळा संपला आहे. मात्र, रोजगार हमी योजनेवरील मजूर अद्यापही कामावर परतलेला नाही. परिणामी, फळबाग लागवड आणि घरकुल ही दोनच कामे सध्या योजनेतून सुरू आहे..Labor Shortage : मजूर टंचाईपुढे शेतकरी हतबल.शेती कामांमुळे संख्या रोडावलीसध्या शेतशिवारात कापूस वेचणीला सुरवात झाली आहे. रोजगार हमी योजनेपेक्षा अधिक मजुरी शेतीकामात मिळते. त्यामुळे बहुतांश मजूर शेतीकामांनाच सर्वाधिक प्राधान्य देतात. साधारणतः डिसेंबर अखेरपर्यंत ही कामे आटोपतात. त्यानंतर रोजगार हमी योजनेच्या कामावर मजूर परततात. तेव्हा कामांची गतीसुद्धा वाढत असल्याचे स्पष्ट दिसून येते..जिल्हा जिल्हानिहाय कामे मजुरांची संख्याबुलडाणा ३९८ १०४३७चंद्रपूर ५२२ १३४७५गडचिरोली २०४ ६३८९गोंदिया ३५६ १०४७७नागपूर ४०२ ५९६४वर्धा ३०३ ४३८६.वाशीम २०८ ७१४१यवतमाळ ५७४ १४१११अकोला १४९ ३३७६अमरावती ५७६ १८४१४भंडारा १८६ ७२१०एकूण ३८७८ १०१३८०.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
