Indian Farmers Protest over Sugarcane Rates: ऊसदराच्या प्रश्नी आणि धान खरेदीतील विलंबावरून भारतीय किसान युनियनचे (बीकेयू) नेते राकेश टिकैत यांनी आंदोलनाचा इशारा दिला आहे. हरियानातील यमुनानगर येथे नुकतेच त्यांनी धान खरेदी आणि ऊसदराच्या प्रश्नी आयोजित शेतकऱ्यांच्या महापंचायतीला संबोधित केले. शेतकऱ्यांच्या मागण्या पूर्ण न झाल्यास संयुक्त किसान मोर्चा (एसकेएम) पुढील आंदोलनाची दिशा ठरवेल, असे त्यांनी सांगितले..संपूर्ण हरियानातील शेतकऱ्यांना अनेक अडचणींना सामोरे जावे लागत आहे. राज्यातील शेतकऱ्यांना आता त्यांच्या न्याय्य हक्कांसाठी आंदोलन करण्याची वेळ आली आहे. ‘‘आम्ही यमुनानगर येथे आलो आहोत. संपूर्ण हरियानातील शेतकरी अडचणीत आहेत. आम्ही पूर्वी हरियानावर अवलंबून होतो. .Farmer Protest: शेतकऱ्यांना दिलेले १२ तास नियमित वीजपुरवठ्याचे आश्‍वासन वर्षभरानंतरही हवेतच .येथे उत्तर प्रदेश आणि उत्तराखंडमधील शेतकरी त्यांचा शेतीमाल विक्रीसाठी आणि स्वस्त डिझेल व खते खरेदीसाठी यायचे. आज मात्र त्याच हरियानातील शेतकऱ्याला त्यांच्या हक्कांसाठी लढा द्यावा लागत आहे. हे अत्यंत दुःखद आणि वेदनादायी आहे,’’ अशी भावना टिकैत यांनी व्यक्त केली.ऊस आणि धानाला योग्य भाव देणारे राज्य म्हणून हरियानाची पूर्वी ओळख होती. आता पोर्टल आणि क्लिष्ट प्रक्रियांमुळे शेतकऱ्यांना अनेक अडचणींना सामोरे जावे लागत असल्याचा आरोप त्यांनी केला. ‘‘आम्ही म्हणत होतो की हरियानात ऊस आणि धानाला चांगला दर मिळतो. येथे कोणत्याही गुंतागुंतीच्या प्रक्रियेविना शेतकऱ्यांना थेट त्यांचा शेतमाल विकता येत होता. पण आता परिस्थिती बदलली आहे. येथील शेतकऱ्यांना त्यांच्या हक्कांसाठी संघर्ष करावा लागत आहे,’’ असे ते म्हणाले..Sugar Workers Protest: कोल्हापुरात धडकला साखर कामगारांचा मोर्चा, २२ ऑक्टोबरपासून संपावर जाणार, ५ प्रमुख मागण्या काय?.सरकार भांडवलदारांच्या हितासाठी काम करत आहे. तसेच ‘काळे कायदे’ असा ज्यांचा उल्लेख केला, ते तीन कृषी कायदे अजूनही अनधिकृतपणे लागू करण्याचा प्रयत्न केला जात असल्याचा आरोपही त्यांनी केला. शेतकऱ्यांनी त्यांच्या मागण्या पुढे केल्या आहेत. .जिल्हा न्याय दंडाधिकारी व स्थानिक उपायुक्त यांच्यासोबत बैठक घ्यावी, तसेच स्थानिक शेतकऱ्यांची मुख्यमंत्र्यांसोबत भेट घडवून आणावी, अशी मागणी असल्याचे टिकैत यांनी नमूद केले. जर शेतकऱ्यांच्या मागण्यांची दखल घेतली नाही, तर एसकेएम १२ ऑक्टोबर रोजी होणाऱ्या बैठकीत यावर चर्चा करेल आणि पुढील आंदोलनाची दिशा ठरवली जाईल, असे त्यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
