Support Farmers Demands: इथेनॉलचे दर वाढले किंवा साखरेची एमएसपी वाढली, तर त्याचा थेट फायदा साखर कारखानदारांसोबतच ऊस उत्पादक शेतकऱ्यांनाही होणार आहे. मात्र, शेतकऱ्यांच्या मागण्या मान्य होण्यापूर्वीच कारखाने सुरू करून आंदोलनाला बाधा आणण्याचा प्रयत्न केल्यास संबंधित कारखानदारांना भविष्यात जाब विचारला जाईल, असा इशारा स्वाभिमानी शेतकरी संघटनेचे अध्यक्ष तथा माजी खासदार राजू शेट्टी यांनी दिला. तसेच, ईडी आणि सीबीआयच्या कारवाईला घाबरून काही कारखानदार साखर कारखाने सुरू करण्याचा प्रयत्न करत असल्याचा आरोपही शेट्टी यांनी केला..राज्य सरकारने १५ ऑक्टोबरपासून ऊस गाळप हंगाम सुरू करण्यास परवानगी दिल्यानंतर राजू शेट्टी यांनी आक्रमक भूमिका घेतली आहे. शेतकऱ्यांच्या मागण्या मान्य झाल्याशिवाय साखर कारखाने सुरू करू देणार नाही, अशी भूमिका त्यांनी मांडली..Sugarcane Price Hike : ऊस उत्पादकांना प्रति टन ३०० वाढीव दर जाहीर करा.शेट्टी म्हणाले, "कारखानदारांना सर्व काही आयते करून देण्याची भूमिका घेतली जात आहे. साखरेची एमएसपी वाढवून दिली जात आहे, तसेच इथेनॉलचे दरही वाढवून दिले जात आहेत. केंद्र सरकार अडचणीत असल्याने त्यांना कोणत्याही परिस्थितीत साखर हवी आहे. मात्र, आमच्या अटी मान्य केल्याशिवाय, इथेनॉलचे दर वाढवल्याशिवाय आणि साखरेची एमएसपी वाढवल्याशिवाय कारखाने सुरू करू देणार नाही.".कारखानदारांनी शेतकऱ्यांच्या आंदोलनाला पाठिंबा द्यायचा की सरकारला खूश करण्यासाठी कारखाने सुरू करायचे, हे ठरवावे, असेही त्यांनी सांगितले. आंदोलनाच्या भूमिकेविरोधात जाऊन कारखाने सुरू करणाऱ्यांना भविष्यात जाब विचारला जाईल, असा इशाराही शेट्टी यांनी दिला..Sugar MSP Meeting: साखर ‘एमएसपी’साठी सोमवारी दिल्लीत बैठक.कोवळ्या उसाच्या गाळपावरून सवालकारखानदारांनी किमान आपल्या फायद्या-तोट्याचा विचार करावा, असे आवाहन शेट्टी यांनी केले. "आज अडसाली असो किंवा इतर कोणताही ऊस असो, त्याची रिकव्हरी ८ टक्क्यांवरही पोहोचण्यास तयार नाही. मी अनेक प्लॉटवर जाऊन रिकव्हरी तपासली आहे. अशा परिस्थितीत ८ टक्के रिकव्हरीचा ऊस गाळून कारखानदारांना काय मिळणार?" असा सवाल त्यांनी उपस्थित केला.."१०.२५ टक्के रिकव्हरीसाठी ६१५० रुपये एफआरपी देणे अनिवार्य आहे. त्यामुळे ८ टक्के रिकव्हरीचा कोवळा ऊस गाळल्यानंतरही कारखानदारांना एफआरपीच्या स्वरूपात प्रतिटन सुमारे ८०० रुपये अतिरिक्त द्यावे लागू शकतात," असे शेट्टी म्हणाले..सरासरी रिकव्हरी कमी झाल्यास त्याचा परिणाम ऊस उत्पादक शेतकऱ्यांनाही भोगावा लागू शकतो. त्यामुळे ज्यांचा ऊस तत्काळ गाळपासाठी जाणार नाही, त्यांनीही कारखानदारांना जाब विचारला पाहिजे. "तुमच्या धोरणामुळे आमच्या उसाचा दर कमी होणार असेल, तर ते आम्ही सहन करणार नाही," अशी भूमिका शेतकऱ्यांनीही स्पष्ट करावी, असे आवाहन राजू शेट्टी यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
