NITI Aayog Maharashtra Report: निती आयोगाने एप्रिल महिन्यात प्रसिद्ध केलेल्या ताज्या अहवालात पुणे जिल्ह्यातील राजगड (वेल्हे) तालुक्याचा देशातील मागास तालुक्यांच्या यादीत समावेश करण्यात आला आहे. या निष्कर्षामुळे तालुक्याच्या विकासाचे वास्तव पुन्हा एकदा समोर आले असून, स्थानिक नागरिकांमधून तीव्र नाराजी व्यक्त होत आहे..देशातील मागासलेल्या ५०० तालुक्यांच्या सर्वांगीण विकासासाठी केंद्र शासनाने २०२३ मध्ये विशेष आराखडा तयार केला होता. या योजनेअंतर्गत महाराष्ट्रातील १७७ तालुक्यांवर विशेष लक्ष केंद्रित करण्यात येणार आहे. स्वच्छ पिण्याचे पाणी, अखंड वीजपुरवठा, डिजिटल कनेक्टिव्हिटी, शैक्षणिक सुविधा आणि आरोग्य सेवा सक्षम करण्यावर या आराखड्यात भर देण्यात आला आहे..Government Agriculture Policy: संशयकल्लोळ दूर व्हावा.राजगड तालुक्यावरील ‘मागास’ हा शिक्का पुसण्यासाठी शासन, प्रशासन आणि लोकप्रतिनिधींनी समन्वयाने तातडीने प्रयत्न करावेत, अशी मागणी ग्रामस्थांकडून होत आहे. केवळ कागदावरील योजना न राहता त्या प्रत्यक्षात प्रभावीपणे राबविण्याची गरज व्यक्त केली जात आहे..प्रगतीची चाके का थांबली?दारिद्र्य निर्मूलन, आरोग्य, शिक्षण, रस्ते आणि पायाभूत सुविधा आदी विविध निकषांच्या आधारे नीती आयोगाने हा अहवाल तयार केला आहे. या क्षेत्रांत अपेक्षित प्रगती न झाल्याने राजगड तालुक्याचा मागास तालुक्यांमध्ये समावेश झाला आहे..Cabinet Decisions: एआय धोरण जाहीर, ३०० कोटी वृक्ष लागवड ते दिव्यांग विद्यार्थ्यांना शिष्यवृत्ती, राज्य मंत्रिमंडळाचे ७ महत्त्वाचे निर्णय.छत्रपती शिवाजी महाराज यांची पहिली राजधानी म्हणून ऐतिहासिक महत्त्व असलेल्या या तालुक्यात तीन मोठी धरणे, ऐतिहासिक किल्ले आणि समृद्ध नैसर्गिक संपत्ती उपलब्ध आहे. तरीही मूलभूत सुविधा आणि विकासकामांच्या बाबतीत तालुका मागे राहिल्याचे चित्र समोर आले आहे..ग्रामीण भागातील रस्त्यांची दुरवस्था, आरोग्य सुविधांचा अभाव, उच्च शिक्षणाच्या मर्यादित संधी तसेच अनेक गावांमध्ये अद्यापही डिजिटल सुविधा अपुऱ्या असल्याने नागरिकांना विविध अडचणींचा सामना करावा लागत आहे. त्यामुळे या भागासाठी विशेष विकास आराखडा प्रभावीपणे राबविण्याची अपेक्षा व्यक्त केली जात आहे..‘मागास’ यादीत समाविष्ट करताना प्रमुख निकषदारिद्र्य निर्मूलन - गरीब कुटुंबांचे प्रमाण, उत्पन्नाची स्थिती.आरोग्य सेवा - प्राथमिक आरोग्य सुविधा, दवाखाने, डॉक्टरांची उपलब्धता.पोषण - कुपोषणाचे प्रमाण, विशेषतः बालक व महिलांमध्येशिक्षण - शाळांची उपलब्धता, गुणवत्ता, गळती दर.कृषी विकास - शेतीची उत्पादकता, सिंचन सुविधा, शेतकऱ्यांची स्थिती..रस्ते व वाहतूक - गावांपर्यंत रस्त्यांची उपलब्धता व दर्जा.वीजपुरवठा - अखंड वीज, घरांपर्यंत वीज पोहोच.पायाभूत सुविधा - पाणीपुरवठा, निवास, सार्वजनिक सुविधा.डिजिटल कनेक्टिव्हिटी - इंटरनेट, मोबाईल नेटवर्क, डिजिटल सेवा.सामाजिक विकास - महिला व बालविकास, सामाजिक सुरक्षा योजना..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
