Poor Infrastructure near Rajgad Fort: छत्रपती शिवाजी महाराजांच्या स्वराज्याची पहिली राजधानी असलेल्या ऐतिहासिक किल्ले राजगडाकडे जाणाऱ्या रस्त्याची अत्यंत दयनीय अवस्था झाली आहे. वाजेघर बुद्रुक ते राजगड पायथा रस्त्यावर ठिकठिकाणी भलेमोठे खड्डे पडले आहेत. सार्वजनिक बांधकाम विभाग आणि लोकप्रतिनिधींनी तातडीने या रस्त्याची दुरुस्ती न केल्यास तीव्र आंदोलन छेडण्याचा इशारा संतप्त नागरिकांनी दिला आहे..अरुंद रस्ता आणि त्यात खड्ड्यांचे साम्राज्य यामुळे स्थानिक शेतकरी आणि गडावर येणाऱ्या पर्यटकांना जीव मुठीत धरून वाहने चालवावी लागत आहेत. वाजेघर-राजगड मार्ग राज्यभरातील शिवप्रेमींकडून वापरला जातो..Ring Road Project : रिंग रोड बाधित शेतकऱ्यांचा आत्मक्लेश आंदोलनाचा इशारा.त्यामुळे या मार्गाचे नूतनीकरण करण्यात आले होते. मात्र, अवघ्या एका वर्षात नव्या रस्त्याची चाळण झाली आहे. निकृष्ट दर्जाच्या कामामुळे पहिल्याच पावसाळ्यात रस्त्यावर मोठे खड्डे पडले आहेत. यामुळे रस्त्याच्या कामाच्या गुणवत्तेवर आणि सार्वजनिक बांधकाम विभागाच्या कारभारावर शिवप्रेमी व ग्रामस्थांकडून गंभीर प्रश्न उपस्थित केले जात आहेत..Nashik Ring Road: नाशिक परिक्रमा मार्गासाठी थेट खरेदीद्वारे भूसंपादन : आयुष प्रसाद.वाजेघर मार्गावरून दररोज स्थानिक शेतकरी पुणे भागात शेतीमाल नेतात. तसेच गडाचे दर्शन घेण्यासाठी राज्यभरातून येणाऱ्या पर्यटकांचीही मोठी वर्दळ असते. मात्र मूळ रस्ता अरुंद असल्याने समोरून येणाऱ्या वाहनाला मार्ग करून देण्याच्या प्रयत्नात खड्ड्यांमुळे चालकांची मोठी कसरत होते. रात्रीच्या वेळी किंवा पावसाच्या पाण्यात खड्ड्यांचा अंदाज न आल्याने अपघातांची मालिकाही सुरूच असून, अनेक वाहनांचे मोठे नुकसान होत आहे..रस्त्याची दुरवस्था झाल्याने वाहतुकीची गंभीर समस्या निर्माण झाली असतानाही प्रशासन आणि स्थानिक लोकप्रतिनिधी दुर्लक्ष करत असल्याने ग्रामस्थांमध्ये नाराजी आहे. ही समस्या तातडीने न सोडविल्यास ढिसाळ प्रशासनाविरोधात आंदोलन केले जाईल, असा इशाराही ग्रामस्थांनी दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
