Dhule News : शिंदखेडा तालुक्यात शेतकऱ्यांना यंदा दुष्काळाची चांगलीच झळ सोसावी लागेल, अशी स्थिती या महिन्यातील मध्यापर्यंत होती. पण पावसाचे पुनरागमन झाल्याने आता स्थिती बरी दिसत आहे. दुष्काळी समस्या दूर होईल, असे संकेत मिळत आहेत. .पांझरा नदीचा मोठा आधार शिंदखेड्यातील अनेक गावांना आहे. पांझरा नदीस मोठा पूर यंदा आला नाही. पण पांझरा नदीत पुढे पाण्याचा प्रवाह राहणार आहे. सहाशे ते सातशे मिलिमीटर सरासरी पाऊस या भागात होतो. .Sangli Rainfall : सांगली जिल्ह्यात जोर मंदावला.यंदा अनेक भागांत कमी पाऊस ऑगस्टच्या मध्यापर्यंत झाला. जूनमध्ये पाऊसमान बरे होते. पण जुलै व ऑगस्टच्या मध्यापर्यंत पावसाबाबत समाधानकारक स्थिती नव्हती. त्यामुळे बागायतदार, कोरडवाहू शेतकऱ्यांत चिंता होती. पण आता पावसाने पीकस्थिती सुधारली आहे. कांदा लागवडही चिंचवार व अन्य भागात सुरू आहे..Jalgaon Rainfall : जळगाव जिल्ह्यात सरासरीच्या ६२ टक्के पाऊस.बागायती कापूस जोमातबागायतदारांनी कापूस लागवड अधिक केली आहे. तापीकाठालगत टाकरखेडा व परिसरात कापूस पीक अधिक असते. केळी पीकही या भागात आहे. विहिरींत जलसाठा बरा आहे. पुढे रब्बी हंगामातील पिकांना पाणी पुरेसे मिळेल, अशी अपेक्षा आहे. .बागायती कापूस पीकस्थितीही बरी आहे. मेच्या अखेरीस लागवड केलेल्या कापसात बोंडं पक्व होत आहेत. दसरा सणाला कापूस पिकात वेचणीस गती येईल. कापूस दर टिकून राहावेत, अशी अपेक्षा शेतकऱ्यांना आहे..कोरडवाहू कापूस उत्पादकांना दिलासाआंतरमशागतीची कामे झाली. मध्यंतरी पावसाने पाठ फिरविली. त्यामुळे कोरडवाहू शेतकऱ्यांना चांगलाच फटका बसेल, अशी स्थिती होती. पण पोळा सणापूर्वीच पाऊस आल्याने दिलासा मिळाला आहे. कोरडवाहू कापूस पीक अन्य पिकांपेक्षा शिंदखेडा भागात अधिक आहे. शिंदखेडा आवर्षणप्रवण तालुका म्हणून ओळखला जातो. तापी, पांझरा नदीवर या भागाची भिस्त आहे. मोठे धरण परिसरात नाही. यामुळे शेतकरी आपल्या भागातील तलाव, लघू सिंचन प्रकल्प भरण्याची प्रतीक्षा करीत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
