Dubar Perani : विदर्भात सलग दहा ते बारा दिवस पावसाने ओढ दिल्याने खरीप हंगाम अडचणीत आला आहे. अनेक जिल्ह्यांत पेरण्या अद्याप अपूर्ण असून, पेरणी झालेल्या क्षेत्रातील कोवळे अंकुरही करपू लागल्याने दुबार पेरणीची भीती वाढली आहे. सोयाबीन, कापूस, तूर, मूग आणि उडीद पिकांना सर्वाधिक फटका बसत आहे..यंदा मॉन्सून उशिराने दाखल झाल्यानंतर सुरुवातीच्या पावसावर शेतकऱ्यांनी पेरण्या उरकल्या. मात्र त्यानंतर पावसाने खंड दिल्याने हलक्या जमिनीतील ओलावा संपला आहे. परिणामी, उगवलेली पिके संकटात सापडली असून अनेक भागांत पेरण्या रखडल्या आहेत. यवतमाळ जिल्ह्यात अजूनही दोन लाख हेक्टर क्षेत्रावर पेरणी बाकी आहे..Kharif Sowing: विदर्भात पावसाअभावी पेरण्या रखडल्या.अमरावती जिल्ह्यात सव्वा लाख हेक्टर क्षेत्रावर पेरणी झालेली नसून ५.५७ लाख हेक्टरवरील अंकुरलेली पिके धोक्यात आली आहेत. नागपूरमध्ये ६७.१९ टक्के पेरणी पूर्ण झाली असली, तरी १० ते १५ टक्के क्षेत्रावर दुबार पेरणीची शक्यता व्यक्त करण्यात येत आहे. चंद्रपूरमध्ये ७५ टक्के, तर वर्ध्यात ८५ टक्के पेरणी झाली आहे. मात्र पावसाअभावी पिकांची वाढ खुंटली आहे. भंडारा जिल्ह्यात सर्वाधिक गंभीर स्थिती असून, तेथे केवळ १९ टक्के पेरणी झाली आहे..Kharif Sowing Delay: अकोला जिल्ह्यात पावसाअभावी पेरण्या रखडल्या.धान नर्सरीही धोक्यात आली आहे. अकोला आणि वाशीम जिल्ह्यांत अनेक ठिकाणी कोवळे अंकुर करपू लागल्याने दुबार पेरणीची शक्यता वाढली आहे. बुलडाणा जिल्ह्यात पेरणी अंतिम टप्प्यात असून सोयाबीनचे क्षेत्र सर्वाधिक आहे. दुसरीकडे, गडचिरोली आणि गोंदिया जिल्ह्यांत दोन दिवसांपूर्वी झालेल्या समाधानकारक पावसामुळे काहीसा दिलासा मिळाला आहे. गडचिरोलीत ३७ टक्के पेरणी झाली असून धान रोवणीला वेग आला आहे..गोंदियातही धान पिकाला पावसाची संजीवनी मिळाल्याने सध्या दुबार पेरणीचा धोका टळल्याचे चित्र आहे. दरम्यान, अमरावती विभागात बोगस सोयाबीन बियाण्यांच्या हजाराहून अधिक तक्रारी प्राप्त झाल्याने आधीच संकटात असलेल्या शेतकऱ्यांच्या अडचणीत आणखी भर पडली आहे. कृषी विभागाने पुढील काही दिवसांत दमदार पाऊस न झाल्यास खरीप उत्पादनावर मोठा परिणाम होण्याची शक्यता व्यक्त केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
