Crop Loss 2026: अकोला जिल्ह्यात मागील पंधरा दिवसांहून अधिक काळ पावसाने दडी मारल्याने खरीप हंगामातील पिकांवर गंभीर परिणाम होण्याची शक्यता निर्माण झाली आहे. विशेषतः जिल्ह्यातील अनेक भागांत पावसाअभावी सोयाबीन पीक सुकू लागले असून, जमिनीला भेगा पडत आहेत. त्यामुळे शेतकरी चिंतेत असून, पावसाचा खंड आणखी वाढल्यास उत्पादनात मोठी घट होण्याची भीती व्यक्त होत आहे..यंदा सुरुवातीपासूनच पावसाचे वितरण असमान राहिले आहे. सुरुवातीच्या काळात झालेल्या समाधानकारक पावसामुळे शेतकऱ्यांनी पेरण्या केल्या. मात्र, त्यानंतर पावसाने वारंवार खंड दिल्याने पिकांची वाढ प्रभावित झाली. जुलैच्या दुसऱ्या आठवड्यातही पावसाचा मोठा खंड पडला होता. आता ऑगस्टच्या सुरुवातीपासून जिल्ह्यात पावसाने पुन्हा उघडीप दिल्याने परिस्थिती अधिक गंभीर बनली आहे..Farm Irrigation: पावसाच्या दडीमुळे पिकांना तुषार सिंचनाचा आधार.यंदाच्या हंगामात जिल्ह्यात अनेक शेतकऱ्यांना दुबार पेरणीचाही सामना करावा लागला. पेरणीपूर्व मशागत, बियाणे, खते, कीटकनाशके आणि अन्य कृषी निविष्ठांसाठी शेतकऱ्यांचा मोठा खर्च झाला आहे. अनेकांनी जवळचे पैसे तसेच व्याजाने रक्कम उभी करून शेतीत गुंतवणूक केली. त्यामुळे आता पिकांना पाण्याची गरज असताना पाऊस गायब झाल्याने शेतकऱ्यांच्या चिंतेत भर पडली आहे..Akola Rain Deficit: अकोला जिल्ह्यात १७ टक्के पावसाची तूट.सध्या जिल्ह्यातील अनेक भागांत सोयाबीन पीक फुलोऱ्याच्या अवस्थेत आहे. या कालावधीत पिकाला पुरेसा ओलावा मिळणे आवश्यक असते. मात्र, मागील पंधरा दिवसांपासून पुरेसा पाऊस न झाल्याने हलक्या जमिनीतील सोयाबीन पिकावर पाण्याच्या ताणाची लक्षणे स्पष्टपणे दिसत आहेत. पाने कोमेजणे, वाढ खुंटणे आणि कमी प्रमाणात फुलधारणा होणे, अशी स्थिती असल्याचे शेतकऱ्यांचे म्हणणे आहे..पावसाचा हा खंड आणखी काही दिवस कायम राहिल्यास सोयाबीनसह कापूस, तूर आणि अन्य खरीप पिकांच्या उत्पादनावरही विपरीत परिणाम होण्याची शक्यता आहे. त्यामुळे शेतकऱ्यांचे संपूर्ण लक्ष आता आभाळाकडे लागले आहे..पावसात पातूर, अकोला पिछाडीवरया हंगामात अकोला आणि पातूर तालुक्यांत पाऊस कमी झाला आहे. पातूरमध्ये सरासरी ५८२.२ मिलिमीटरच्या तुलनेत ३८६ मिलिमीटर पाऊस झाला असून, ही सरासरीच्या ६६.३ टक्के आहे. अकोला तालुक्यात सरासरी ४८०.५ मिलिमीटरच्या तुलनेत २९३.४ मिलिमीटर, म्हणजेच सरासरीच्या ६१.१ टक्के पाऊस झाला आहे. बाळापूरमध्ये ७०.२ टक्के, बार्शीटाकळीमध्ये ७०.२ टक्के, तर मूर्तिजापूरमध्ये ७८.९ टक्के पाऊस झाला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
