Chana Sowing India : देशातील रब्बी हंगामात पिकांचं क्षेत्र मागील वर्षीच्या तुलनेत ४.५ टक्क्यांनी आघाडीवर असून मागील दहा वर्षांच्या सरासरी क्षेत्रापैकी ८५ टक्के क्षेत्रावर पेरणी पूर्ण झाल्याचे केंद्रीय कृषी मंत्रालयाच्या अहवालावरून स्पष्ट झाले आहे..देशात रब्बी पिकांची सरासरी ६३७.८१ लाख हेक्टर क्षेत्रावर पेरणी होते. यंदा १२ डिसेंबरपर्यंत देशात एकूण ५३६.३७ लाख हेक्टरवर रब्बी पिकांची पेरणी झाली आहे. मागील वर्षी याच कालावधीत ५१२.७६ लाख हेक्टर क्षेत्रावरच पेरणी झाली होती..मॉन्सूनची साथमॉन्सून हंगामात चांगला पाऊस झाला. रब्बी हंगामासाठी जमिनीतील ओलावा परिस्थिती अनुकूल राहिली. रब्बी हंगामाच्या सुरुवातीला विविध राज्यांमध्ये पेरणी रेंगाळली होती. परंतु नोव्हेंबर महिन्यात पेरणीने वेग घेतला. त्यामुळे पेरणी क्षेत्राने मागील वर्षीच्या तुलनेत आघाडी घेतली आहे..हरभरा क्षेत्रात वाढयंदा रब्बीतील प्रमुख कडधान्य असलेल्या हरभऱ्याचे क्षेत्र सुमारे ४ टक्क्यांनी आघाडीवर असून ८४.९१ लाख हेक्टर झाले आहे. मागील वर्षी याच कालावधीत हे क्षेत्र ८१.६७ लाख हेक्टर होते, तर सरासरी क्षेत्र १००.९९ लाख हेक्टर आहे. कडधान्यांच्या बाबतीत एकूण क्षेत्रफळात केवळ १.५ टक्क्यांची किरकोळ आघाडी आहे. यंदा कडधान्यांचे क्षेत्र ११७.११ लाख हेक्टर असून, गेल्या वर्षी ते ११५.४१ लाख हेक्टर होते..मक्याला पसंतीमक्याचे क्षेत्र ११.५ टक्क्यांनी आघाडीवर असून १५.६० लाख हेक्टर झाले आहे. गेल्या वर्षी ते १३.९९ लाख हेक्टर होते. मक्याचे सरासरी लागवड क्षेत्र २३.६१ लाख हेक्टर आहे. ज्वारीची लागवड गेल्या वर्षीच्या तुलनेत पिछाडीवर असून यंदा ती १८.५२ लाख हेक्टर आहे, तर मागील वर्षी १९.९९ लाख हेक्टर होती. बाजरीचे क्षेत्रही मोठ्या प्रमाणात पिछाडीवर असून यंदा केवळ ०.०९ लाख हेक्टर राहिले आहे, जे मागील वर्षी १.११ लाख हेक्टर होते. मात्र, रागीच्या लागवडीत आघाडी असू यंदा ०.६६ लाख हेक्टर क्षेत्रावर लागवड झाली आहे, तर मागील वर्षी हे क्षेत्र ०.४८ लाख हेक्टर होते..Rabi Sowing: पुणे विभागात ७३ टक्के रब्बी क्षेत्रावरील लागवड पूर्ण.गव्हाची क्षेत्र ६.५ टक्क्यांनी वाढलेतर देशात गव्हाच्या लागवडीत सर्वाधिक आघाडी आहे. गव्हाचे क्षेत्र ६.५ टक्क्यांनी आघाडीवर असून २७५.६६ लाख हेक्टरवर पोहोचले. गेल्या वर्षी हे क्षेत्र २५८.४८ लाख हेक्टर होते. गव्हाचे सरासरी लागवड क्षेत्र ३१२.२५ लाख हेक्टर आहे..भुईमुगाची लागवड यंदा २.१२ लाख हेक्टरवर आली असून, मागील वर्षी ती २.५७ लाख हेक्टर होती. तिळाचे क्षेत्र ०.०५ लाख हेक्टरवर घसरले आहे, तर गेल्या वर्षी ते ०.०७ लाख हेक्टर होते. तसेच जवसाची लागवडही कमी होऊन १.६१ लाख हेक्टर राहिली असून, मागील वर्षी ती २.२७ लाख हेक्टर होती..याउलट सूर्यफुलाच्या लागवडीत आघाडी असून यंदा ०.३४ लाख हेक्टर क्षेत्रावर लागवड झाली आहे, तर मागील वर्षी हे क्षेत्र ०.३० लाख हेक्टर होते. करडईची लागवडही वाढून ०.७३ लाख हेक्टर झाली असून, गेल्या वर्षी ती ०.५६ लाख हेक्टर होती..Rabi Sowing: तीन जिल्ह्यांत हरभरा जास्त, तर ज्वारीची पेरणी कमी.भाताची रब्बी लागवड सुरुवातीच्या टप्प्यात असली तरी त्यात १६ टक्क्यांची आघाडी आहे. सध्या १२.४४ लाख हेक्टर क्षेत्रावर भात लागवड झाली असून, गेल्या वर्षी हे क्षेत्र १०.६४ लाख हेक्टर होते. भाताचे सरासरी रब्बी क्षेत्र ४२.९३ लाख हेक्टर आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
