Crop Planning: आगामी रब्बी हंगामातील संभाव्य पाणीटंचाई लक्षात घेता शेतकऱ्यांनी ऊस, गहू, मका, चिया यांसारख्या अधिक पाणी लागणाऱ्या पिकांची लागवड टाळावी. त्याऐवजी जमिनीचा प्रकार, उपलब्ध ओलावा आणि सिंचनासाठी उपलब्ध पाणी यांचा विचार करून पिकांची निवड करावी असे ‘आत्मा’चे प्रकल्प संचालक अमोल आगवण यांनी सुचविले आहे..जालना जिल्ह्यात परतीचा पाऊस झालेला नसल्याने जमिनीतील ओलावा कमी झाला असून, भूजल पातळीत सरासरी २.५ मीटरने घट झाली आहे. संभाव्य एल निनोचा प्रभाव, पावसातील अनिश्चितता आणि पाणी उपलब्धतेचा विचार करता शेतकऱ्यांनी केवळ अंदाजांवर अवलंबून न राहता प्रत्यक्ष पर्जन्यमान व पाण्याची उपलब्धता यांचे मूल्यमापन करावे. मध्यम काळ्या जमिनीत उपलब्ध ओलावा व मर्यादित पाण्यानुसार करडई, हरभरा आणि रब्बी ज्वारी या पिकांना प्राधान्य द्यावे. जमिनीत पुरेसा ओलावा नसल्यास पेरणीची घाई करू नये. तसेच कोरडवाहू शेतीसाठी शिफारस केलेल्या वाणांचीच लागवड करावी..Rabi Season Preparation: दुष्काळी परिस्थितीत रब्बी हंगामाची तयारी; कृषी विभागाकडून रब्बीचे ६४ लाख हेक्टरवर नियोजन.कमी पाण्यात घेता येणाऱ्या करडई पिकासाठी मराठवाड्यात परभणी सुवर्णा (पीबीएनएस-१५४), परभणी कुसुम (पीबीएनएस-१२) आणि विद्यापीठाच्या अधिकृत शिफारशीनुसार पीबीएनएस-८६ (पूर्णा) या वाणांचा विचार करावा. खोल काळ्या जमिनीत चांगला अवशिष्ट ओलावा उपलब्ध असल्यास रब्बी ज्वारीची लागवड करावी. यासाठी परभणी सुपर मोती (एसपीव्ही-२४०७), परभणी मोती (एसपीव्ही-१४११) आणि पीकेव्ही क्रांती या वाणांची स्थानिक शिफारशीनुसार निवड करावी. जमिनीत पुरेसा ओलावा असलेल्या क्षेत्रात हरभरा हे महत्त्वाचे कडधान्य पीक ठरू शकते..Rabi Season: रब्बीसाठी शेती मशागतीला वेग येणार.विजय, दिग्विजय, आकाश आणि जाकी-९२१८ या वाणांपैकी स्थानिक परिस्थिती, पीक कालावधी, कोरडवाहू लागवडीची उपयुक्तता आणि विद्यापीठाच्या शिफारशींनुसार योग्य वाण निवडावा..आगामी रब्बी हंगामातील संभाव्य पाणीटंचाई लक्षात घेऊन शेतकऱ्यांनी उपलब्ध जलसाठ्याचा काटकसरीने वापर करावा आणि जमिनीचा प्रकार, उपलब्ध ओलावा व सिंचनाची स्थिती यानुसार पीक नियोजन करावे, असे आवाहन प्रकल्प संचालक आत्मा(जालना)चे अमोल आगवण यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
