Dharashiv News: निसर्गाचा लहरीपणा, अवकाळी पाऊस आणि शेतमालाच्या पडत्या दरामुळे हवालदिल झालेल्या जिल्ह्यातील बळिराजाला राज्य सरकारने मोठा आधार दिला आहे. मुख्यमंत्री देवेंद्र फडणवीस यांनी शुक्रवारी (ता. सहा) विधानसभेत ‘पुण्यश्लोक अहिल्यादेवी होळकर शेतकरी कर्जमाफी योजना’ जाहीर केली. याचा लाभ जिल्हा बॅंकेच्या १४ हजार ४९८ थकीत कर्जदार शेतकऱ्यांना, तर सर्व बॅंकांच्या नियमित कर्जफेड करणाऱ्या एक लाख तीन हजार शेतकऱ्यांना ५० हजार रुपये प्रोत्साहन अनुदानाचा लाभ मिळण्याची शक्यता आहे..जिल्हा बॅंक वगळता राष्ट्रीयीकृत आणि इतर बॅंकांतील थकीत कर्जदारांच्या नावांची आकडेवारी अद्याप उपलब्ध झाली नसल्याची माहिती अग्रणी बॅंकेच्या अधिकाऱ्यांनी दिली आहे. त्यामुळे ही आकडेवारी उपलब्ध झाल्यानंतरच कर्जमाफीसाठी पात्र ठरू शकणाऱ्या जिल्ह्यातील एकूण कर्जदार शेतकऱ्यांची संख्या समोर येणार आहे. या कर्जमाफी योजनेअंतर्गत ३० सप्टेंबर २०२५ पर्यंत ज्या शेतकऱ्यांचे पीककर्ज थकबाकीत आहे, अशाच शेतकऱ्यांना दोन लाख रुपयांपर्यंतच्या कर्जमाफीचा लाभ दिला जाणार आहे..Incentive Subsidy Farmers : शेतकऱ्यांचे प्रोत्साहनपर अनुदान अडकल्याचा आरोप थेट पालकमंत्र्यांनीच केला.जिल्हा बँकेच्या १४ हजार शेतकऱ्यांचे ओझे उतरणारजिल्हा मध्यवर्ती सहकारी बँकेच्या माध्यमातून शेती कर्ज घेतलेले अनेक शेतकरी थकबाकीदार झाले होते. ताज्या आकडेवारीनुसार, जिल्ह्यातील जिल्हा सहकारी बँकेचे १४ हजार ४९८ शेतकरी सध्या थकीत कर्जदार आहेत. .Farmer Incentive Scheme : शेतकऱ्यांचे प्रोत्साहन अनुदान रखडले.दोन लाख रुपयांपर्यंतच्या कर्जमाफीमुळे या १४ हजार कुटुंबांच्या डोक्यावरील कर्जाचे ओझे आता पूर्णपणे उतरण्याची शक्यता आहे. यामुळे या शेतकऱ्यांना पुन्हा नव्याने पीककर्ज घेता येणे शक्य होईल..नियमित कर्जदारांना ५० हजारांचे ‘प्रोत्साहन’केवळ थकबाकीदारांनाच नाही, तर प्रामाणिकपणे कर्जाची परतफेड करणाऱ्या शेतकऱ्यांचेही सरकारने कौतुक केले आहे. राष्ट्रीयीकृत बँका, जिल्हा बँका आणि इतर बँकांमधील मिळून जिल्ह्यातील सुमारे एक लाख तीन हजार शेतकरी नियमितपणे कर्जाची परतफेड करत आहेत. हे सर्व शेतकरी ५० हजार रुपयांच्या प्रोत्साहनपर अनुदानासाठी लाभार्थी ठरण्याची शक्यता आहे. नियमित कर्ज भरणाऱ्या शेतकऱ्यांची असल्याने मोठ्या प्रमाणावर निधी खेळता होणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
