Akola News: डॉ. पंजाबराव देशमुख कृषी विद्यापीठाच्या वतीने आयोजित करण्यात आलेल्या ॲग्रोटेक कृषी प्रदर्शनात यंदा पुंगनूर जातीच्या अवघ्या अडीच फूट उंचीच्या गायीने सर्वांचे लक्ष वेधून घेतले. आकाराने लहान, पण वैशिष्ट्यांनी समृद्ध असलेली ही गाय पाहण्यासाठी शेतकरी, पशुपालकांसह सर्वसामान्य नागरिक मोठ्या संख्येने गर्दी करीत होते. त्यामुळे ही गाय प्रदर्शनातील सेलिब्रिटी ठरली. .यावर्षीच्या प्रदर्शनात पशुपक्ष्यांचे स्वतंत्र दालन ठेवण्यात आले होते. या दालनात वैशिष्ट्यपूर्ण जातीच्या गाई, म्हशी, कोंबड्या, बैल ठेवण्यात आले होते. यात छोट्या आकाराच्या गायीने लक्ष वेधून घेतले. पुंगनूर ही देशी गोवंशाची अतिशय दुर्मिळ जात मानली जाते. या जातीच्या गायी आकाराने लहान असल्या तरी त्या रोगप्रतिकारक शक्तीने समृद्ध असून कमी चारा आणि मर्यादित देखभालीतही सहज तग धरतात..Agrotech 2025: कृषी विद्यापीठातर्फे अकोल्यात आजपासून प्रदर्शन.विशेष म्हणजे या गायीचे दूध पोषणमूल्यांनी परिपूर्ण असून आयुर्वेदिक दृष्टिकोनातूनही उपयुक्त मानले जाते. ही गाय अवघ्या अडीच फूट उंचीची असल्याने अनेकांना ती खेळणी गाय असल्याचा भास होत होता. शांत स्वभाव, टपोरे डोळे आणि देखणी ठेवण पाहून लहान मुले, महिला तसेच शेतकऱ्यांची तिच्यासोबत छायाचित्रे काढण्यासाठी चढाओढ सुरू होती. या गायीचे मालक भूपेंद्र डिगांबर पाटील (डाबकी, अकोला) हे असून अशा दुर्मिळ जातींचे संवर्धन व्हायला हवे, अशी प्रतिक्रिया त्यांनी व्यक्त केली..Akola Banana Market: अकोल्यात केळी बाजारात तेजी.जनावरे ठरली आकर्षणया कृषी प्रदर्शनात पशुपक्षी दालन आकर्षणाचा केंद्रबिंदू ठरले. याठिकाणी साहिवाल, देवणी, होलदेव, गीर, क्राँक्रेज, खिल्लार, गवळाऊ, अमृतमहल,लाल कंधारी, आदी गायी, म्हशींमध्ये नागपुरी, पूर्णाथडी व गवळाऊ, मुऱ्हा, जाफ्राबादी, शेळी गटात बेरारी, उस्मानाबादी, बिटल,आफ्रिकन बोअर, कुक्कुटपालनात कावेरी, ब्लॅक अॅस्टोलॅप, सोनाली जाती लक्षवेधी ठरल्या..पुंगनूरची वैशिष्ट्येआंध्रप्रदेशातील चित्तुर परिसरातील पुंगनूर येथील जगातील सर्वात लहान उंचीची ही जात आहे. ती अडीच ते पाच फूट उंचीची असते. लहान आकार आणि सहज घरामध्ये वावरणारी प्रेमळ अशी ही जात मानली जाते. ही गाय नामशेष होण्याच्या मार्गावर आहे. या गायी दररोज दोन ते पाच लिटरपर्यंत दूध देतात. या गायीच्या दूधात फॅटचे प्रमाण अधिक आढळते, असे विद्यापीठाच्या पशुसंवर्धन विभागाचे शास्त्रज्ञ डॉ. शेषराव चव्हाण यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
