Pune News: रब्बी हंगामासाठी पुणे जिल्हा मध्यवर्ती सहकारी बँकेने (पीडीसीसी) ३६९ कोटी ८८ लाख ३१ हजार रुपयांचे कर्ज वाटप करण्यात आले आहे. जिल्ह्यात अतिवृष्टीने शेतकऱ्यांच्या पिकांचे नुकसान झाले. परिणामी शेतकरी कर्ज घेण्याकडे वळले आहेत..गतवर्षीच्या तुलनेत रब्बीच्या उद्दिष्टामध्येही वाढ केली आहे. रब्बी हंगामातील पिकांसाठी ६८५ कोटी ७३ लाख रुपयांचे उद्दिष्ट मागील वर्षी होते. त्यामध्ये आत्तापर्यंत २८ हजार शेतकऱ्यांना २०६ कोटी ८६ लाख रुपयांचे पीककर्ज दिले होते. यावर्षी त्यात वाढ करून उद्दिष्ट हे ६८९ कोटी ३२ लाख एवढे ठेवले आहे..Farmer Loan Waiver: कर्जमाफीचा शब्द पाळणार.रब्बी हंगामात आंबेगाव, भोर, जुन्नर, खेड, पुरंदर तालुक्यातील पीककर्ज घेणाऱ्या शेतकऱ्यांची संख्या अधिक आहे.रब्बी हंगामासाठी ३१ मार्चपर्यंत बँकेकडून कर्जबँकेकडून तीनशे शाखांमधून एक हजार ३०६ सोसायट्यांना कर्जसोसायट्यांकडून शेतकरी सभासदांना कर्जरब्बीतील हरभरा, गहू, ज्वारी, करडई पिकांसाठी कर्जाचा उपयोग.Crop Loan Allocation: ‘पीडीसीसी’कडून ३६९ कोटी पीककर्ज वाटप.पुढील पिकांसाठी भांडवलच नाहीपीककर्जाबाबत पणदरे येथील विठ्ठल विविध कार्यकारी सहकारी सोसायटीचे अध्यक्ष अरविंद जगताप म्हणाले की, खरीप हंगामाचे सप्टेंबर आणि ऑक्टोबरमध्ये झालेल्या पावसाने मोठ्या प्रमाणात नुकसान झाले. त्यामुळे शेतकऱ्यांकडे पुढील पिकांसाठी भांडवल राहिले नाही. म्हणून कर्ज काढण्याकडे शेतकऱ्यांचा कल आहे. तर काही शेतकऱ्यांचे कर्ज थकीत असल्याने पुन्हा कर्ज देता येत नाही.’’.शेतकरी कर्ज घेतो, पण पिकांना योग्य किंमत मिळत नसल्याने कर्जाची परतफेड करणे अवघड होते. खतांचे, बियाण्यांचे दर वाढले, मात्र पिकांचे बाजारभाव स्थिर आहेत. त्याचबरोबर मजुरीही वाढली. या सर्व कारणांमुळे शेतकऱ्यांना पाहिजे तेवढा नफा मिळत नाही. सरकार कर्ज माफीच्या घोषणा करते, त्यामुळे शेतकरी पण त्या भरवशावर जास्तीचे कर्ज घेतो. रब्बी हंगामासाठी बँकेकडून कर्ज घेतले आहे.विजय शिंदे, शेतकरी, काटेवाडी.पीककर्जाची मागणी ज्या प्रमाणात होईल, तेवढे बँकेकडून कर्जवाटप केले जात आहे. त्याप्रमाणात तरतूद करण्यात आलेली आहे. बँकेच्या अधिकाऱ्यांना सूचना केलेल्या आहेत. या वर्षी उद्दिष्टापेक्षा अधिक कर्जवाटप होईल, असा आमचा अंदाज आहे.डॉ. दिगंबर दुर्गाडे, अध्यक्ष, जिल्हा बॅंक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
