![Sugar Production Maharashtra](http://media.assettype.com/agrowon%2F2023-12%2Fa1ebfcce-4f87-448a-b5c7-08b1820236dc%2FUntitled_design___2023_12_22T171907_274.jpg?w=480&auto=format%2Ccompress&fit=max)
Sugarcane Pune Kolhapur : राज्यात १ नोव्हेंबरपासून उसाचा गळीत हंगाम सुरू झाला. सुरूवातीच्या टप्प्यात हंगाम संथ गतीने सुरू झाला असला तरी महाराष्ट्र गाळपात आघाडीवर गेल्याचे दिसून येत आहे. राज्यातील १९२ साखर कारखान्यांमध्ये गाळप हंगामात सहभाग घेतला असून त्यात ९४ सहकारी आणि ९८ खाजगी साखर कारखान्यांचा समावेश आहे.
साखर आयुक्तालयाने प्रसिद्धीस दिलेल्या आकडेवारीनुसार, राज्यात २० डिसेंबर २०२३ अखेर ३३२.२७ लाख मेट्रिक टन उसाचे गाळप झाले आहे. सध्या राज्यात गाळप पूर्ण क्षमतेने सुरु असून ८.६ च्या सरासरी उताऱ्याने २८५.८८ लाख क्विंटल साखरेचे उत्पादन झाल्याची माहिती समोर आली आहे. महाराष्ट्रात सध्या गाळप परवाने असलेले १९२ साखर कारखाने सुरू आहेत. यामध्ये ९४ सहकारी आणि ९८ खाजगी साखर कारखान्यांचा समावेश आहे.
सध्या पुणे विभाग आघाडीवर गाळप करत आहे. २९ साखर कारखान्यांनी ७५.३९ लाख टन उसाचे गाळप करून ६६.५७ क्विंटल साखरेचे उत्पादन केले आहे. सरासरी उतारा ८.८३ इतका आहे. यानंतर सोलापूर विभागाने दुसऱ्या स्थानावर राहत ७२.६६ लाख टन ऊस गाळप केले आहे. ९३ सरासरी उताऱ्यासह सोलापूर विभागात ५७.६ लाख क्विंटल साखरेचे उत्पादन झाले आहे.
तर कोल्हापूर विभागात ३७ साखर कारखान्यांनी ६८.१९ लाख टन उसाचे गाळप केले आहे तर ६६.७३ लाख क्विंटल साखरेचे उत्पादन केल्याची माहिती समोर आली आहे. कोल्हापूर जिल्ह्याची रिकव्हरी ९.७९ सरासरी उताऱ्यासह राज्यात आघाडीवर आहे.
१५ डिसेंबरपर्यंत देशातील १२ राज्यांत ४९९ साखर कारखान्यामध्ये ८५७.०४ लाख टन उसाचे गाळप झाले आहे. मागच्या वर्षी १५ डिसेंबरपर्यंत ९२४.३३ लाख टन ऊस गाळप झाले होते. महाराष्ट्राने २९६ लाख टन गाळप करून गाळपातही देशात आघाडी घेतली आहे. त्यापाठोपाठ उत्तर प्रदेशात २४३ लाख टन, तर कर्नाटकात २११ लाख टनांचे उसाचे गाळप झाले आहे.
संपूर्ण देशात १५ डिसेंबरपर्यंत ७४.३० लाख टन साखरेचे उत्पादन झाले आहे. गतवर्षी याच कालावधीत ते ८१.८० लक्ष टन झाले होते. चालू हंगामाअखेर देशभरात २९१.५० लाख टन साखरेचे उत्पादन होईल, असा अंदाज आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.