Gondia News: बोंडगाव, सुरबन, गंधारी, जांभळी आदी परिसरांतील मका उत्पादक शेतकऱ्यांच्या पिकावर तणनाशकांच्या चुकीच्या फवारणीचा गंभीर फटका बसला असून मोठ्या प्रमाणात मका पीक उद्ध्वस्त झाले आहे. या नुकसानीस जबाबदार असलेल्या कंपनीकडून नुकसानभरपाई मिळावी, अशी ठाम मागणी बाधित शेतकऱ्यांनी केली आहे..मका पिकावर तणनियंत्रणासाठी कृषी केंद्र चालकाच्या सल्ल्याने शेतकऱ्यांनी संबंधित तणनाशकाची खरेदी करून फवारणी केली. मात्र फवारणीनंतर काही दिवसांतच मका पिकाची वाढ खुंटली, पाने पिवळी पडली, वाळू लागली आणि अनेक शेतांमध्ये संपूर्ण पीक जळाल्यासारखे नष्ट झाले..Maize Farming: मका पिकात लष्करी अळीचे संकट कायम.या प्रकारामुळे बोंडगाव व सुरबन परिसरातील जवळपास ४० शेतकऱ्यांचे मोठे आर्थिक नुकसान झाले आहे. या घटनेनंतर शेतकऱ्यांनी कृषी अधिकारी, तलाठी, सरपंच तसेच पोलिस पाटील यांच्या उपस्थितीत पंचनामे करून नुकसानाची नोंद केली. बाधित क्षेत्रातील मका पीक पूर्णतः नष्ट झाल्याचे पंचनाम्यांमध्ये स्पष्ट झाले असून, नुकसानभरपाई मिळावी यासाठी शेतकऱ्यांनी जिल्हा ग्राहक मंचात दाद मागण्याचा निर्णय घेतला आहे. .Maize Procurement: शासकीय मका खरेदी म्हणजे डोंगर पोखरून उंदीर काढणे.तणनाशकाची विक्री करताना दुकानदाराने कंपनीच्या मार्गदर्शक सूचनांनुसार औषध सुरक्षित असल्याचे सांगितले होते. मात्र प्रत्यक्षात या औषधामुळे पिकावर विपरीत परिणाम झाल्याचा आरोप शेतकऱ्यांनी केला आहे. त्यामुळे कंपनी, संबंधित कृषी सेवा केंद्र आणि विक्रेत्यांवर जबाबदारी निश्चित करून शेतकऱ्यांना योग्य ती नुकसान भरपाई द्यावी, अशी मागणी आहे..या संदर्भात अस्मिता धान उत्पादक शेतकरी संघटनेच्या नेतृत्वाखाली उपविभागीय अधिकारी, तहसीलदार व तालुका कृषी अधिकाऱ्यांना निवेदन देण्यात आले. या वेळी ललितकुमार बाळबुद्धे, देवेंद्र डोंगरवार, नितेश कुंभरे, बालकृष्ण हेटवार, धनराज उंद्री, वामन शहारे, गोविंद राजत, बालकृष्ण गुळकर, उदयराम भगत, विकास हेटवार, विक्रेतर हेटवार, सुभाष उंद्री, शालिकराम कुंभरे आदी शेतकरी उपस्थित होते. .मका उत्पादक शेतकऱ्यांचे झालेले नुकसान पाहता तातडीने पंचनामे ग्राह्य धरून नुकसानभरपाई जाहीर करावी, अन्यथा आंदोलनाचा इशारा देण्यात आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
