Gondia News: गोंदिया जिल्ह्यात उन्हाळी धानाखालील क्षेत्र टप्प्याटप्प्याने कमी करण्याच्या उद्देशाने कृषी विभागाने ३५ कोटी रुपयांचा महत्वकांक्षी प्रकल्प राज्य शासनाकडे सादर केला आहे. या प्रकल्पाच्या माध्यमातून मका लागवड क्षेत्राचा विस्तार करण्याचा प्रस्ताव असून, पाणीटंचाईचा धोका कमी करत शेतकऱ्यांना शाश्वत उत्पन्नाचा पर्याय उपलब्ध करून देण्यावर भर दिला आहे..जिल्ह्यात रब्बी हंगामात सुमारे २ लाख हेक्टर, तर उन्हाळ्यात ८० हजार हेक्टर क्षेत्रावर धान घेतले जाते. जिल्ह्यातील जमिनीची संरचना लक्षात घेता पाणी मुरण्याचे प्रमाण कमी आहे. त्यामुळे भविष्यात सिंचनासाठी पाण्याची उपलब्धता धोक्यात येण्याची, तसेच काही भाग ड्राय झोन होण्याची भीती व्यक्त केली जात आहे..Agriculture In Education: ‘विषय’ मार्गी लावा.या पार्श्वभूमीवर कृषी विभागाने मक्याकडे वळण्याचा निर्णय घेतला आहे. सुरुवातीला ११० कोटींचा प्रकल्प आराखडा सादर करण्यात आला होता. मात्र केंद्रस्तरावर निधीची उपलब्धता मर्यादित असल्याने हा आराखडा ३५ कोटी रुपयांपर्यंत संकुचित करण्यात आला आहे..Agriculture Education: कृषी अभ्यासक्रमाचा प्रस्ताव हाणून पाडला.तीन वर्षांच्या कालावधीत या प्रकल्पांतर्गत ४० शेतकरी उत्पादक कंपन्यांना मका व्यवस्थापनासाठी पूरक अवजार बँका उपलब्ध करून दिल्या जाणार आहेत. यामध्ये २० टक्के हिस्सा कंपन्यांचा व ८० टक्के अनुदान राहील..जिल्ह्यात उन्हाळी धानाची लागवड जानेवारीत होऊन मे-जूनमध्ये काढणी होते, तर रब्बी हंगामातही मोठ्या क्षेत्रावर धान घेतले जाते. उन्हाळी धानाला पाण्याची गरज अधिक असते; त्याउलट केवळ ३० टक्के पाण्यात मका उत्पादन मिळते. त्यामुळे मक्याला प्रोत्साहन देण्याचा पुढाकार घेण्यात आला आहे.नीलेश कानवडे, जिल्हा अधीक्षक कृषी अधिकारी, गोंदिया.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
