Buldhana News: बुलडाणा जिल्ह्यातील लाखो गोरगरिबांना शासनामार्फत रेशन कार्डावर पुरवले जाणारे धान्य निकृष्ट दर्जाचे असल्याच्या तक्रारींत वाढ झाली आहे. रेशन दुकानदारांनी हा प्रकार जिल्हाधिकाऱ्यांच्या निदर्शनास आणून दिला असून यापुढे असा खराब दर्जाचा माल पुरवल्यास तो उचलणार नसल्याचा इशाराही त्यांनी दिला..या महिन्यात दिलेल्या तांदळाला जाळे लागले असून कीडही मोठ्या प्रमाणात आहे. शिवाय चुरी, रंगहीन तांदळाचे प्रमाणही ४० टक्क्यांपर्यंत वाढले आहे. गोरगरिबांच्या ताटात हाच तांदूळ जात आहे. हा तांदूळ गुणवत्तेच्या निकषांमध्ये बसत नाही. त्यामुळे निकृष्ट दर्जाच्या तांदळाचा पुरवठा थांबवून पुन्हा असे प्रकार होऊ नयेत, यासाठी उपाययोजना कराव्यात, अशी मागणी स्वस्त धान्य दुकानदार व किरकोळ केरोसीन परवानाधारक संघटनेने जिल्हाधिकाऱ्यांकडे केली आहे. याबाबत संघटनेचे जिल्हाध्यक्ष राजेश अंबुसकर यांच्यासह पदाधिकाऱ्यांनी जिल्हाधिकाऱ्यांना निवेदनही दिले..Low Quality Rice : निकृष्ट तांदूळप्रकरणी ३७ राइस मिलवर कारवाई.संघटनेच्या निवेदनात म्हंटले आहे की, आधारभूत किंमत योजनेअंतर्गत राज्य शासनाने तांदूळ व ज्वारीची खरेदी योजना सुरू केली आहे. या योजनेअंतर्गत भंडारा-गोंदिया जिल्ह्यात खरेदी केलेल्या तांदळाच्या भरडाईनंतर त्याचे वितरण राज्यभर केले जाते. परंतु बुलडाणा जिल्ह्यासाठी देण्यात येणारा तांदूळ अत्यंत निकृष्ट दर्जाचा असून तो गुणवत्ता विभागाच्या नियमांनुसार नाही. त्यात लाल दाणे व ४० टक्के टक्के चुरी असलेल्या तांदळाचा हजारो क्विंटल पुरवठा करण्यात आला आहे..Fish Seed Quality: यशस्वी मत्स्यपालनासाठी मत्स्यबीजाची गुणवत्ता आणि वाहतूक महत्त्वाची.आर्थिक गैरव्यवहारांचा आरोपया प्रकाराला संबंधितांचा कामचुकारपणा व बेकायदा आर्थिक देवाणघेवाण जबाबदार असल्याचा आरोप संघटनेने केला आहे. संघटनेच्या म्हणण्यानुसार, आर्थिक गैरव्यवहार करून मिलर्सकडून खराब प्रतीचा तांदूळ स्वीकारून तो बुलडाणा जिल्ह्यात पाठवला जात आहे. याबाबत जिल्ह्यातील गोदाम व्यवस्थापक, निरीक्षण अधिकारी, जिल्हा पुरवठा अधिकाऱ्यांना पत्र पाठवून, तसेच भंडारा-गोंदिया जिल्हा पुरवठा अधिकाऱ्यांना कळवूनसुद्धा कोणतीच कार्यवाही त्यांच्याकडून करण्यात आलेली नाही, असा आरोप संघटनेने केला आहे..परिणामी बुलडाणा जिल्ह्यात निकृष्ट दर्जाचा तांदूळ प्राप्त होत आहे. सध्याच्या निवडणुकीच्या काळात रेशन कार्डधारक नागरिक हे मत मागण्यासाठी येणाऱ्या लोकप्रतिनिधींना तांदूळ दाखवतात व ही मंडळी दुकानदारांना वेठीस धरतात. यामुळे दुकानदारांची ससेहोलपट होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
