Farmer Support: नांदुरा तालुक्यात नानाजी देशमुख कृषी संजीवनी प्रकल्पा- २.० सुरू झाला असून, यात तालुक्यातील १६ गावांची निवड करण्यात आली आहे. पात्र लाभार्थ्यांनी प्रकल्पाच्या अधिकृत पोर्टलवर ऑनलाइन अर्ज करावेत, असे आवाहन कृषी विभागाने केले आहे..शाश्वत व हवामान-अनुकूल शेतीला चालना देणे हा या प्रकल्पाचा मुख्य उद्देश आहे. शेतकऱ्यांच्या गरजेनुसार वैयक्तिक शेतीत सुधारणा करण्यासाठी प्रोत्साहन देण्यात येणार असून शेतकरी गट व महिला बचत गटांना पूरक व्यवसायासाठी मार्गदर्शनही केले जाणार आहे. नैसर्गिक साधनांच्या अभ्यासानंतर मृद व जलसंधारण कामांना अर्थसाहाय्य दिले जाईल..POCRA Scheme: पोकरा अंतर्गंत वैयक्तीक लाभाच्या घटकांसाठी साडेदहा हजारांवर अर्ज.याशिवाय आधुनिक शेती तंत्रज्ञानाचा वापर, पाण्याचा कार्यक्षम वापर, जमिनीची सुपीकता वाढविणे, कर्ब उत्सर्जन कमी करून कर्बग्रहण वाढविणे, संवर्धित शेती पद्धतींचा अवलंब तसेच पौष्टिक तृणधान्य उत्पादनावर भर देण्यात येणार आहे. या उपक्रमामुळे तालुक्यातील शेती अधिक सक्षम, टिकाऊ व हवामान बदलास प्रतिकारक्षम होईल, असा विश्वास व्यक्त केला जात आहे..POCRA Scheme: ‘पोकरा’च्या १७२५१ अर्जांची पडताळणी सुरू.वैयक्तिक लाभार्थ्यांसाठी पाच हेक्टरपर्यंत जमीनधारक शेतकऱ्यांना विविध घटकांवर अनुदान मिळणार आहे. यामध्ये ठिबक व तुषार सिंचनासाठी ७५ ते ८० टक्के, वैयक्तिक शेततळ्यास १०० टक्के, शेततळे अस्तरीकरणासाठी ५० टक्के अनुदानाचा समावेश आहे. तसेच विहीर पुनर्भरण, फळबाग व वृक्ष लागवड, बांबू लागवड, पाईप व पंप संच (अनुसूचित जाती-जमातींसाठी), रेशीम उद्योग, शेळीपालन, मत्स्यपालन, गांडूळ खत युनिट, नाडेप कंपोस्ट, बियाणे उत्पादन तसेच शेडनेट व हरितगृह यासाठीही साहाय्य उपलब्ध आहे..या योजनेत सामूहिक लाभ योजनांचाही समावेश असून शेतकरी उत्पादक संघटना, शेतकरी गट व महिला बचत गटांना कृषिमाल साठवणुकीसाठी गोदाम उभारणीस २४ लाखांपर्यंत अनुदान दिले जाणार आहे. तसेच कृषी प्रक्रिया उद्योग व मूल्य साखळी बळकटीकरणासाठी ६० लाख ते १ कोटी रुपयांपर्यंत अर्थसाहाय्य मिळणार आहे. या प्रकल्पासाठी पोर्टल विकसित करण्यात आले असून पात्र शेतकऱ्यांनी ऑनलाइन अर्ज करावेत, असे आवाहन तालुका कृषी अधिकारी संदीप निमकर्डे यांनी केले आहे..समाविष्ट गावेवडगाव, भिलवडी, नायगाव, बुर्टी, केदार, कोलासर, तिकोडी, पोटळी, पोटा, वाडी, महाळुंगी, तरवाडी, भोरवंड, धानोरा, वसाडी खुर्द व डोलखेड..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.