Sustainable Agriculture: डॉ. एम. एस. स्वामीनाथन यांची ‘बायोहॅपीनेस’ ही संकल्पना पृथ्वीचे कल्याण आणि लोकांची समृद्धी साधण्यासाठी शाश्वत प्रणाली ठरणार आहे. राहुरी कृषी विद्यापीठाच्या तंत्रज्ञान शिफारशी जमीन व पाण्याचे आरोग्य, पीक तसेच मानवी आरोग्य चांगले राखण्यासाठी महत्त्वाच्या ठरत आहेत. विद्यापीठाच्या ‘फुले समृद्ध गाव’ संकल्पनेत ‘बायोहॅपीनेस’ संकल्पनेचा अंतर्भाव असून, त्यासाठी हे केंद्र सुरू करण्यात आल्याचे महात्मा फुले कृषी विद्यापीठाचे कुलगुरू डॉ. विलास खर्चे यांनी सांगितले..महात्मा फुले कृषी विद्यापीठात राज्यातील पहिले ‘बायोहॅपीनेस’ केंद्र सुरू करण्यात आले आहे. त्यानिमित्त महात्मा फुले कृषी विद्यापीठ आणि चेन्नई येथील एम. एस. स्वामीनाथन संशोधन प्रतिष्ठानतर्फे एकदिवसीय ‘बायोहॅपीनेस केंद्र सहनिर्मिती कार्यशाळा’ घेण्यात आली. कुलगुरू डॉ. खर्चे अध्यक्षस्थानी होते..Water Conservation: साठलेल्या पाण्यावर फळबागांतून समृद्धीकडे.चेन्नई येथील एम. एस. स्वामीनाथन संशोधन प्रतिष्ठानच्या प्रमुख डॉ. सौम्या स्वामीनाथन, डॉ. पंजाबराव देशमुख कृषी विद्यापीठाचे कुलगुरू डॉ. शरद गडाख, वसंतराव नाईक मराठवाडा कृषी विद्यापीठाचे कुलगुरू डॉ. इंद्र मणि आणि डॉ. बाळासाहेब सावंत कोकण कृषी विद्यापीठाचे कुलगुरू डॉ. एस. जी. भावे ऑनलाइन सहभागी झाले..Watershed Development: पाणलोट विकासातील आधुनिक अन् नावीन्यपूर्ण उपाययोजना.एम. एस. स्वामीनाथन संशोधन प्रतिष्ठानच्या वरिष्ठ फेलो डॉ. आर. व्ही. भवानी, जैवविविधता संचालक डॉ. इसराइल ऑलिव्हर किंग, कार्यक्रम समन्वयक महेश म्हस्के, विद्यापीठाचे विस्तार शिक्षण संचालक डॉ. गोरक्ष ससाणे, संशोधन संचालक डॉ. प्रशांत बोडके, अधिष्ठाता डॉ. साताप्पा खरबडे, कृषी परिषदेचे संशोधन संचालक डॉ. विकास लोंढे, कुलसचिव राजेंद्रकुमार पाटील, डॉ. सचिन नांदगुडे आदी उपस्थित होते..डॉ. सौम्या स्वामीनाथन म्हणाल्या, की जमीन, पाणी आणि मानवी आरोग्य सुधारण्यासाठी तसेच पर्यावरणाचा शाश्वत विकास साधण्यासाठी शास्त्रीय पद्धतीने काम करणे आवश्यक आहे. प्रा. एम. एस. स्वामीनाथन यांनी मांडलेल्या ‘बायोहॅपीनेस’ संकल्पनेत जैवविविधतेचे संवर्धन आणि शाश्वत वापरातून मानवी आरोग्यात सुधारणा आणि सर्वांगीण पर्यावरण कल्याण साधण्याचा विचार आहे. शाश्वत विकासाची प्रगती आणि परिणामकारकता ‘बायोहॅपीनेस निर्देशांका’च्या माध्यमातून मोजली जाईल. कार्यक्रमाचे प्रास्ताविक डॉ. गोरक्ष ससाणे यांनी केले. डॉ. आनंद चवई यांनी सूत्रसंचालन केले, तर डॉ. मृणाल अजोतीकर यांनी आभार मानले..शेतकरी कल्याणाचा निर्देशांक तयार होणारडॉ. खर्चे म्हणाले, की ‘बायोहॅपीनेस’ संकल्पनेत जैवविविधतेचे संवर्धन आणि शाश्वत वापरातून मानवी आरोग्य, पोषण, उपजीविका आणि पर्यावरणाचे कल्याण साधण्यावर भर आहे. या कार्यशाळेमुळे शेतकरी कल्याण आणि ‘बायोहॅपीनेस इंडेक्स’ तयार करण्यास मदत होईल..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
